«Qatelesýge tolyq haqym bar»: Taǵy bir belgili bloger hıdjabyn sheshkenin aıtty

Belgili aqtaýlyq bloger Aıgerim Erǵazy oramalyn sheshkenin aıtyp, kópshilikke jazba jarııalady, dep habarlaıdy Qandastar.kz

«Men oramaldy sheshtim.Hıdjab kımeıtin boldym.Oqyrmandarymnyń meniń bul sheshimimdi qalaı qabyldasa da, men qabyldaımyn.

Keıbir oqyrmandarymnan:

“Hıdjabty oıynshyq qyldyń ba?!” — degen pikirler kelip jatady.

Jaýabym: “Joq. Men hıdjabty oıynshyq qylǵan joqpyn», — dedi ol.

Onyń aıtýynsha, mundaı sheshim qabyldaý ońaı bolmaǵan, biraq oılana kele durysy oramal sheshý onyń tańdaýy.

«Bul — meniń júregimmen, jan dúnıemmen qabyldaǵan sheshimim. Onyń óz sebepteri bar.

Mysal keltirip kóreıin:

Qyz bala bir jigitti unatyp, ekeýi jup bolady. Ýaqyt óte shańyraq kóteredi. Biraq neke ómirinde barlyǵy qyz oılaǵandaı bola bermeıdi.

Turmysqa deıin qamqor bolǵan jigit bir kúni qatygez kúıeýge aınalyp, daýys kóterip, tipti qol kóterýi múmkin.Keı qyzdar mundaı ómirge kónedi, keıbiri — kónbeıdi. Shydaı almaǵany ajyrasady.Ajyrasý — eshbir áıel úshin ońaı sheshim emes. Biraq sol sátte qoǵam, aǵaıyn-týys:“Nege ajyrastyń?”, “Baıyń bar edi, nege kónbediń?” — dep sóge bastaıdy.

Al shyndyǵynda, bul sheshimdi qabyldaǵan — sol qyz. О́ıtkeni basynan ne ótkerip jatqanyn tek ózi biledi.

Meniń de jaǵdaıym dál sondaı.

Oramaldy sheshý — men úshin ońaı sheshim bolǵan joq. Biraq bul — meniń tańdaýym.Hıdjabty oıynshyq etkenim emes. Ol — men úshin qasıetti bolǵan, solaı qala da beredi.

Men sebepterimdi aıtqym kelmeıdi. Qabyldaǵysy kelgender — qabyldar.Kerisinshe, túsinbegenderge de renishim joq. Biraq bilińizder:Men kısem de, sheshsem de, namaz oqysam da, oqymasam da — onyń kúnási de, saýaby da maǵan ǵana jazylady.

Men de sizder sııaqty pendemin. Qatelesýge tolyq haqym bar.Tek bir ótinish: eger júregińizde ıman bolsa — ózgeni sókpeı, duǵada bolyńyz…

Jyǵylǵanǵa judyryq bolmaǵan abzal….», dedi ol.