«Qatelik jasadyq»: Irakta ómir boıyna sottalǵan qazaq áıelder el úkimetinen kómek surady

Irakta ómir boıyna bas bostandyǵynan aıyrylǵan alty áıel el úkimetinen kómek surap, Qazaqstanǵa qaıtarýdy suraıdy. Olar jazasyn Irak astanasy Baǵdat qalasyndaǵy túrmede 8 jyldan beri jazasyn ótep jatyr, dep habarlaıdy qandastar.kz aqparat portaly Kýrsıv Medıa basylymyna silteme jasap.

«Vozdýh svobody» qoǵamdyq qorynyń jetekshisi Janna Ýmırovanyń aıtýynsha,  bul áıelder 2021 jyldan beri aýyr jaǵdaıda qalǵan. Olar «jazyqsyz» ekenin alǵa tartyp, bostandyqqa shyǵarýdy talap etip, túrmede ashtyq jarııalapty. Jaǵdaılary nasharlap ketken. Túrme ákimshiligi olarǵa medıınalyq kómek kórsetpepti.

«2024 jyldyń qazan aıynan beri biz bul áıelderdiń ústinen qozǵalǵan qylmystyq isterdi qaıta qaraý úshin jumys júrgizip jatyrmyz. 2017 jyly dúrbeleń jyly boldy. Kóp nárse túsiniksiz boldy. Jastarymyzdyń deni adasty. «Dini úshin qyspaqqa túspeıtin memleketti» izdedi. Biraq olar úlken bálege tap boldy», – deıdi Janna Ýmırova.

Onyń sózine qaraǵanda, bılik ókilderi otandastarymyzdy elge qaıtarýǵa kúsh salatynyn, Bas prokýratýranyń segiz jyldan beri bul ispen aınalysyp jatqanyn aıtqan. Biraq Janna Ýmırova buǵan kúmán keltirip otyr. Ol «bul áıelderdi DAISh-tiń jaqtastary» dep qaraýǵa bolmaıtynyn aıtady.

Astanada ótken baspasóz máslıhaty kezinde Irak túrmesinde jatqan áıelderdiń beıneúndeýi kórsetildi.

«Biz qatelik jasaǵanymyzdy túsinemiz. Biz soǵysýǵa emes, kúıeýlerimizben birge erip kelgen edik. Otanymyzǵa, týystarymyzǵa oralyp, jańa ómir bastaýǵa kómektesýlerińizdi suraımyz», – delingen úndeýde.

Oraldyq sottalǵan qyzdyń biri Roza Mansurovanyń anasy Márzııa Medetova qartaıǵan shaǵynda nemerelerin jalǵyz baǵyp otyrǵanyn aıtty.

«2013 jyly olar balalaryn alyp elden ketip qaldy. 2019 jyly úsh balany ákelip berdi. Solardy qazir baǵyp otyrmyn. Qyzymyzben baılanysyp turamyz. Basqa qyzdardyń kóbiniń ata-anasy kele almady. Barlyq ata-analardyń atynan jan aıqaıymyzdy jetkizgim keledi», – dep, ol qyzyn elge qaıtarýǵa memleketten arasha túsýdi surady.

Janna Ýmırovanyń aıtýynsha, alty áıel Sırııaǵa ár el arqyly jetken. Biri – Reseı arqyly, biri Ázerbaıjan arqyly ushqan. Ol kezde jastary on segiz, on toǵyzda ǵana bolǵan jas kelinshekter kúıeýleriniń sońynan sózge kelmeı ilesip kete barǵan eken.

Advokat Jambyl Jolgeldıevtiń aıtýynsha, Irak bıligi qazaq áıelderdi «terrorızmge járdem berdi» dep ómir boıy bas bostandyǵynan aıyrǵan.

«Biraq, olardyń terrorısterge kómektesý nıeti bolmaǵan» – deıdi advokat.