«قاتىن مەن قازاننىڭ قىمباتى دۇرىس»: ساكەن مايعازيەۆ كەلىنىنىڭ قالىڭ مالىنا 5 ملن تەڭگە بەردى

فوتو: اشىق دەرەككوز

الەۋمەتتىك جەلىلەردە بەلگىلى ونەر يەسى ساكەن مايعازيەۆتىڭ قاتىسۋىمەن تاراعان بەينەروليك كوپتىڭ نازارىن اۋداردى. وندا ەكى جاقتىڭ قۇدالىق راسىمدە جۇزدەسىپ, سالت بويىنشا بىرنەشە ميلليون تەڭگە كولەمىندە قالىڭ مال بەرىپ جاتقانى كورىنەدى, دەپ جازدى qandastar.kz

جەلى قولدانۋشىلارى بۇل جايتقا ءتۇرلى كوزقاراس بىلدىرۋدە.

turkistan.kz حابارلاعانداي,ءبىرى مۇنداي كولەمدەگى قالىڭ مالدى اسىرا سىلتەۋ دەپ قابىلداسا, ەندى ءبىرى تانىمال ءارى تۇرمىسى جاقسى جانۇيالار ءۇشىن بۇل قالىپتى دۇنيە ەكەنىن ايتادى.

«مەنىڭ قالىڭ مالىما كەزىندە 100 مىڭ تەڭگە عانا تولەگەن», «از. كوپ ەمەس», «قانشا بەرسە دە جاراسىپ كەتسە بولدى», «العان, بەرگەندە تۇرعان ەشتەڭە جوق» دەپ جازدى جەلى پايدالانۋشىلارى.

ايتا كەتسەك, جۋىردا ساكەن مايعازيەۆ ۇلىنا ۇيلەنۋ تويىن جاساعالى جاتقانىن, سالتاناتتى شاراعا مىڭداعان ادام شاقىرىلىپ, تىكەلەي ەفير ارقىلى كورسەتىلەتىنىن مالىمدەگەن ەدى.