«Qatyn men qazannyń qymbaty durys»: Sáken Maıǵazıev kelininiń qalyń malyna 5 mln teńge berdi

Foto: ashyq derekkóz

Áleýmettik jelilerde belgili óner ıesi Sáken Maıǵazıevtiń qatysýymen taraǵan beınerolık kóptiń nazaryn aýdardy. Onda eki jaqtyń qudalyq rásimde júzdesip, salt boıynsha birneshe mıllıon teńge kóleminde qalyń mal berip jatqany kórinedi, dep jazdy qandastar.kz

Jeli qoldanýshylary bul jaıtqa túrli kózqaras bildirýde.

turkistan.kz habarlaǵandaı,biri mundaı kólemdegi qalyń maldy asyra silteý dep qabyldasa, endi biri tanymal ári turmysy jaqsy januıalar úshin bul qalypty dúnıe ekenin aıtady.

«Meniń qalyń malyma kezinde 100 myń teńge ǵana tólegen», «Az. Kóp emes», «Qansha berse de jarasyp ketse boldy», «Alǵan, bergende turǵan eshteńe joq» dep jazdy jeli paıdalanýshylary.

Aıta ketsek, jýyrda Sáken Maıǵazıev ulyna úılený toıyn jasaǵaly jatqanyn, saltanatty sharaǵa myńdaǵan adam shaqyrylyp, tikeleı efır arqyly kórsetiletinin málimdegen edi.