«قاتىن وسەكتى قويۋ كەرەك»: دەپۋتات كوكپاردا ۇتىلىپ, داۋ شىعارعان قىرعىزداردى سابىرعا شاقىردى

فوتو: adyrna.kz

ءماجىلىس دەپۋتاتى ماقسات تولىقباي كوشپەندىلەر ويىنىندا قازاق جانە قىرعىز كوكپارشىلارىنىڭ اقتىق ويىنى تۋرالى پىكىر ءبىلدىردى, دەپ حابارلايدى  qandastar.kz  Skifnews.kz اقپارات پورتالىنا سىلتەمە جاساپ.

ونىڭ پايىمداۋىنشا, قازاق كوكپارشىلارى جەڭىسكە جەتتى.

ول باۋىرلاس ەلدىڭ ويىنشىلارىنا سابىرلى بولۋعا شاقىردى.

«قاتىن وسەكتى قويۋ كەرەك. قىرعىز اعايىندار «ويىنشىمىزدى قامشىمەن تارتىپ جىبەردى» دەپ داۋ شىعارىپ جاتىر ەكەن. باس جارىلىپ, كوز شىققان جوق قوي. قازاق ويىنشىسى ايىپ الاڭىنا قۋىلىپ, جازاسىن الدى ەمەس پە?

كوكپار جۇرەكتى, بىلەكتىلەردىڭ ويىنى. شاڭنىڭ ىشىندە اتتىڭ جىعىلىپ, كوكپارشىلاردىڭ تاپتالىپ قالعانىن تالاي كوردىك. وتقا ماي قۇيىپ, تۇيمەدەيدى تۇيەدەي ەتۋدىڭ قاجەتى جوق. كوكپارشى تۇرماق, جانكۇيەرمەن بىرگە قامشىنىڭ استىندا قالعان كەزدى ۇمىتقان جوقپىز. ارىعا بارماي-اق قويايىق… راسىندا مىناداي سويقان كوكپاردى بۇرىن-سوڭدى كورمەپپىن. ءبىزدىڭ جىگىتتەر تازا جەڭدى. قۇتتى بولسىن! قازاقستان چەمپيون», — دەپ جازدى دەپۋتات.