«Qatyn ósekti qoıý kerek»: Depýtat kókparda utylyp, daý shyǵarǵan qyrǵyzdardy sabyrǵa shaqyrdy

Foto: adyrna.kz

Májilis depýtaty Maqsat Tolyqbaı kóshpendiler oıynynda qazaq jáne qyrǵyz kókparshylarynyń aqtyq oıyny týraly pikir bildirdi, dep habarlaıdy  qandastar.kz  Skifnews.kz aqparat portalyna silteme jasap.

Onyń paıymdaýynsha, qazaq kókparshylary jeńiske jetti.

Ol baýyrlas eldiń oıynshylaryna sabyrly bolýǵa shaqyrdy.

«Qatyn ósekti qoıý kerek. Qyrǵyz aǵaıyndar «oıynshymyzdy qamshymen tartyp jiberdi» dep daý shyǵaryp jatyr eken. Bas jarylyp, kóz shyqqan joq qoı. Qazaq oıynshysy aıyp alańyna qýylyp, jazasyn aldy emes pe?

Kókpar júrekti, bilektilerdiń oıyny. Shańnyń ishinde attyń jyǵylyp, kókparshylardyń taptalyp qalǵanyn talaı kórdik. Otqa maı quıyp, túımedeıdi túıedeı etýdiń qajeti joq. Kókparshy turmaq, jankúıermen birge qamshynyń astynda qalǵan kezdi umytqan joqpyz. Aryǵa barmaı-aq qoıaıyq… Rasynda mynadaı soıqan kókpardy buryn-sońdy kórmeppin. Bizdiń jigitter taza jeńdi. Qutty bolsyn! Qazaqstan ChEMPION», — dep jazdy depýtat.