«Qaýipsizdigimizdi kim oılaıdy»: Almatylyq turǵyndar pyshaq ustap, páterlerdiń esigin qaqqan er adamnyń bostandyqta júrgenine ashýly

Foto:Laýra Qanaıbekova jibergen vıdeo kadrlarynan skrın

Almatydaǵy Shuǵyla aýdanynda “Alma Sıtı” turǵyn úıinde jurtshylyq qolyna pyshaq ustap, páterlerdiń esigin qaqqan er adamnyń bostandyqta júrgenin aıtyp shaǵymdandy, dep jazdy qandastar.kz

Turǵyndar mas kúıde júrgen onyń tipti lıftide turǵynnyń birine shabýyldaǵanyn da kórgen. Polıııa shaqyrǵan kezde onyń páteriniń esik aldynan eki pyshaq tabylǵan. Alaıda ony quqyq qorǵaý qyzmetkerleri qylmys bolmaǵandyqtan tek úsh saǵat qamaýǵa alyp jiberip qoıǵan. Bul týraly Stan.kz aqparat agenttigi habarlaıdy.

Oqıǵa 17 sáýirde saǵat 20:00 shamasynda bolǵan. Shuǵyla shaǵyn aýdanynyń turǵyny Laýra Qanaıbekova Stan.kz tilshisine qazir turǵyndardyń bári kirip-shyǵýǵa qorqyp júrgenin aıtty.

“Bárimiz bir podezd, bir lıftpen júremiz. Negizi bul kisini kúndiz kórgenmin. Qabyrǵalas kórshi bolǵan soń, “sýyq sý bar ma” dep surady. Odan alkogoldiń ıisi shyǵyp tursa da, keshe iship ıisi ketpegen shyǵar dep jaman oılamadym. Sosyn sýyq sý týraly bilmeıtinimdi aıttym.

Keıin sýyq sý iske qosyldy. Men úıden qonaqtarymdy shyǵaryp salǵannan keıin keshke saǵat 20:00-de jańaǵy 57 páterdiń turǵyny qolynda qara pyshaǵy bar esikti qatty qaqty. Qaıta Alla saqtap, esikti ashyp jibermeı, esiktiń kózshesinen (glazogynan) qaradym”, – dedi Laýra.

Laýra qatty qoryqqannan polıeılerdi shaqyrǵanyn aıtty.

“Polıeıler kelgen soń maǵan aryz jazý úshin syrtqa shyǵýymdy surady. Al men ózim qorqyp turǵanymdy, úıimnen shyǵa almaı otyrǵandyqtan olardyń kómegine júginip turǵanymdy aıtyp, ishteı qatty ashýlandym. Keıin polıeılerdiń ózderi 8-qabatqa kóterilip, jańaǵy kisiniń páterin ashqan kezde esik aldynda eki pyshaq jatty. Meniń túrimdi kórmesin dep páterimnen shyqpaı otyrdym.

Alaıda polıeıler esh qylmys bolmaǵandyqtan onyń ústinen is qozǵaı almaıtyndaryn aıtty. 3 saǵat qamaýda ustap jiberip qoıypty. Sonda biz osy adamdarmen qalaı qoryqpaı ómir súremiz? Qolyna pyshaq ustap kelip turǵan adamnyń tonaý, ne zorlaý, óltirý oı bolady ǵoı. Mynaý sumdyq qoı! Kórshiles esikte turatyndyqtan óte qorqynyshty. Qaýipsizdigimizdi kim oılaıdy sonda? Mindetti túrde qandy oqıǵa bolý kerek pe?!” – dep qosty ol.

Turǵyndar kúndiz bul kisiniń qolyndaǵy pyshaǵymen lıfttegi adamǵa shabýyldaǵanyn da kórgen.

Osy máselege oraı Stan.kz tilshisi Almaty qalasynyń polıııa departamentinen pikir surady.

“Qońyraý kelip túsken soń, polıııa qyzmetkerleri oqıǵa ornyna jedel jetti. Er adam Naýryzbaı aýdandyq polıııa basqarmasyna jetkizilip, oǵan qatysty ÁQbK-niń 440-baby (qoǵamdyq orynda alkogoldik masań kúıde) bolǵany úshin jáne ÁQbK-niń 434-baby 1 bóligi (usaq buzaqylyq) boıynsha ákimshilik hattamalar toltyryldy.

Materıaldar belgilengen tártippen sheshim qabyldaý úshin sotqa joldandy. Almaty polıııasy, azamattardyń qaýipsizdigi bizdiń basty mindetimiz ekenin atap kórsetedi. Árbir jaǵdaıda barlyq mán-jaılardy eskere otyryp, áreketterge quqyqtyq baǵa beriledi”, – delingen habarlamada.