قازا تاپقاندار بار: الماتىدا جارىلىس بولدى

12 ماۋسىمدا ءتۇن ورتاسىنا تامان تۇركسىب اۋدانىندا بولعان ورتكە بارا جاتقان جولدا ءورت ءسوندىرۋ كولىكتەرىنىڭ ءبىرى اۋدارىلىپ قالدى, دەپ حابارلايدى Skifnews.kz اقپارات پورتالى.

ابىروي بولعاندا, زارداپ شەككەندەر جوق. تەحنيكا دەر كەزىندە كوتەرىلىپ, ونىڭ تەحنيكالىق جاعدايى قالىپتى ەكەنى انىقتالدى.

ورتكە قارسى بولىمشەلەر وقيعا ورنىندا جوعارى دارەجەمەن جۇمىس ىستەپ جاتىر. جەدەل شتاب قۇرىلدى, بىرنەشە باعىت بويىنشا ءورتتى ءسوندىرۋ جۇمىستارى جۇرگىزىلدى. 15 تەحنيكا مەن 50-دەن استام قىزمەتكەر جۇمىلدىرىلعان.

ءورت سوندىرۋشىلەردىڭ ناقتىلانعان اقپاراتى بويىنشا, مەجدۋنارودنايا كوشەسىندە بىرنەشە مەنشىك يەسىنە تيەسىلى باراك تيپتەس تۇرعىن ۇيدە ءورت شىعىپ, جالىن ءتورت مەنشىك يەسىنە تيەسىلى كورشى ءۇي مەن جۋىناتىن ورىن جانە شارۋاشىلىق قۇرىلىسىنا تاراعان. جالپى جانۋ اۋماعى 500 شارشى مەتردەن اسادى.

— ءورتتى ءسوندىرۋ كەزىندە گاز باللونى جارىلعان, الايدا جەكە قۇرام اراسىندا زارداپ شەككەندەر جوق, قاۋىپسىزدىك تەحنيكاسى ساقتالعان. قابىلدانعان جەدەل شارالاردىڭ ناتيجەسىندە ساعات 00:55–تە ءورت اۋىزدىقتالدى. ءورت ءسوندىرۋ كەزىندە ءبىر ادامنىڭ ءمايىتى تابىلدى. قازىرگى ۋاقىتتا ءورتتى جويۋ جۇمىستارى جالعاسۋدا, — دەلىنگەن ۆەدومستۆو تاراتقان اقپاراتتا.