Qaza tapqandar bar: Almatyda jarylys boldy

12 maýsymda tún ortasyna taman Túrksib aýdanynda bolǵan órtke bara jatqan jolda órt sóndirý kólikteriniń biri aýdarylyp qaldy, dep habarlaıdy Skifnews.kz aqparat portaly.

Abyroı bolǵanda, zardap shekkender joq. Tehnıka der kezinde kóterilip, onyń tehnıkalyq jaǵdaıy qalypty ekeni anyqtaldy.

О́rtke qarsy bólimsheler oqıǵa ornynda joǵary dárejemen jumys istep jatyr. Jedel shtab quryldy, birneshe baǵyt boıynsha órtti sóndirý jumystary júrgizildi. 15 tehnıka men 50-den astam qyzmetker jumyldyrylǵan.

О́rt sóndirýshilerdiń naqtylanǵan aqparaty boıynsha, Mejdýnarodnaıa kóshesinde birneshe menshik ıesine tıesili barak tıptes turǵyn úıde órt shyǵyp, jalyn tórt menshik ıesine tıesili kórshi úı men jýynatyn oryn jáne sharýashylyq qurylysyna taraǵan. Jalpy janý aýmaǵy 500 sharshy metrden asady.

— О́rtti sóndirý kezinde gaz ballony jarylǵan, alaıda jeke quram arasynda zardap shekkender joq, qaýipsizdik tehnıkasy saqtalǵan. Qabyldanǵan jedel sharalardyń nátıjesinde saǵat 00:55–te órt aýyzdyqtaldy. О́rt sóndirý kezinde bir adamnyń máıiti tabyldy. Qazirgi ýaqytta órtti joıý jumystary jalǵasýda, — delingen vedomstvo taratqan aqparatta.