قازا تاپقاندار بار: قىزىلوردادا اۆتوبۋس پەن جەڭىل كولىك سوقتىعىستى

فوتو: سكرين

قىزىلوردا وبلىسىندا اۆتوبۋسقا سوعىلعان جەڭىل كولىكتىڭ جۇرگىزۋشىسى مەن جولاۋشىسى وقيعا ورنىندا قايتىس بولدى, دەپ جازدى qandastar.kz

وقيعا 19 جەلتوقساندا «شىمكەنت-سامارا» تاس جولىنىڭ قارماقشى اۋدانىنىڭ تۇسىنداعى بولىگىندە تىركەلدى. «Youtong» ماركالى اۆتوبۋسى جانە «Nissan» جەڭىل اۆتوكولىكتىڭ سوقتىعىسۋى سالدارىنان جول-كولىك وقيعاسى بولدى.

— سالدارىنان «Nissan» جۇرگىزۋشىسى جانە ءبىر جولاۋشىسى وقيعا ورنىندا قايتىس بولعان. تاعى ءبىر جولاۋشى ءارتۇرلى دەنە جاراقاتىمەن مەديتسينالىق مەكەمەگە جاتقىزىلدى. بۇل بويىنشا سوتقا دەيىنگى تەرگەۋ جۇرگىزىلۋدە, قورىتىندىسى بويىنشا پروتسەستىك شەشىم قابىلداناتىن بولادى, — دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.

ۆەدومستۆو وكىلدەرى قىس مەزگىلىندە جولدا بارىنشا ساق بولۋ كەرەكتىگىن ەسكەرتەدى.

— كوكتايعاق پەن ناشار كورىنۋ جاعدايىندا ەرەكشە مۇقيات بولۋ قاجەت. جىلدامدىقتى ازايتىپ, اراقاشىقتىقتى ساقتاۋ جانە جولدىڭ جاعدايىن ەسكەرۋ وتە ماڭىزدى, — دەپ اتاپ ءوتتى ماماندار.