Qazaq fılmi Oskarǵa usynyldy

Foto: Mádenıet jáne aqparat mınıstrligi

Rejısser Ashat Kýchınchırekovtyń «Baýyryna salý» fılmi Mádenıet jáne aqparat mınıstrligi men Ulttyq kınony qoldaý ortalyǵynyń qoldaýymen túsirilgen. Fılm jaqynda «Tulpar» ulttyq syılyǵyn ıelendi jáne Oskar komıtetine «International Feature Film» nomınaııasy boıynsha Qazaqstannan usynylyp otyr, dep habarlaıdy Skifnews.kz aqparat portaly. 

Amerıka akademııasynyń daýys berýi úsh kezeńde ótedi. 9-13 jeltoqsan aralyǵynda akademıkter shortlıst jasaqtaıdy, ol 17 jeltoqsanda jarııalanady. Daýys berý 2025 jyldyń 8-12 qańtary aralyǵynda ótedi. Onyń qorytyndysy boıynsha 17 qańtarda barlyq sanattaǵy nomınanttar belgili bolady. Úshinshi, sońǵy kezeń 11-18 aqpan aralyǵynda ótedi.

Jeńimpazdardyń esimi 2025 jyldyń 2 naýryzynda Los-Andjeleste konvertterdi ashý saltanatynda jarııalanady. Eger fılm nomınant retinde usynylsa, rejısser shaqyrtý alady.