QAZAQ KOMPOZITORY ShOTLANDIIaNY BAǴYNDYRDY

Qazaqstandyq kompozıtor ári pıanıst Rahat-bı Ábdisaǵyn brıtan jerinde qorytyndy konertin ótkizdi.

Shotlandııa koroli Robert Brıýstiń 750 jyldyǵyna oraı uıymdastyrylǵan keshke koroldiktiń túkpir-túkpirinen kelgen qonaqtar qatysty. Bul – «Qazaqtyń Moarty» atanǵan Rahat-Bı Ábdisaǵyn. Jasy 20-ǵa jetpeı, jer júzin moıyndatqan kompozıtor. Mýzyka súıer qaýym onyń óreli ónerin kórýge yntyzar. Mundaı múmkindik bul joly Danfermlın jurtyna buıyrdy. Mýzykant kórermenge «Brıýs» operasyn usyndy. Shyǵarmada Shotlandııa koroli Robert Brıýs týraly baıandalady.

Al lıbretto ortaǵasyrlyq poemaǵa negizdelgen. Rahat-Bı Ábdisaǵyn, kompozıtor-pıanıst: — Bul poemany 1375 jyly Djon Barbýr jazyp shyqqan. Shyǵarma tarıhı tulǵanyń bolmysyn jan-jaqty qyrynan ashady. Jalpy bul týyndyny ótken men bolashaq arasyndaǵy mýzykalyq kópir deýge bolady.

Sebebi operada bostandyq pen izgilik týraly syr shertiledi. Rahat-Bı shyǵarmany jazý barysynda Brıtanııanyń jetekshi lıngvıst, tarıhshylarmen qoıan-qoltyq jumys istegen. Bedeldi ádebıettanýshylarmen keńesken. Al qoıylymdy qoıýǵa Shotlandııanyń Koroldik konservatorııasynyń opera ánshileri men dırıjıorleri atsalysty. Mark Denıs, teatrdyń kostıým jónindegi sýretshisi: — Biz qazir Danfermlın abbattyǵyndaǵy shirkeýde turmyz. Dál osy jerde korol Robert Brıýs jerlengen.

Búgin sahnadan kórgen kıimderdiń bári – shotland patshasy zamanyndaǵy úlgilerdiń dál kóshirmesi. Osyndaı jobaǵa qatysý múmkindigi buıyrǵanyna óte qýanyshtymyn. Mýzykant búginge deıin sımfonııalyq orkestrge jáne ár janrdaǵy kameralyq ansamblderge arnalǵan 100-den asa klassıkalyq mýzykalyq týyndynyń avtory atanyp úlgerdi. Rahat-Bıdiń qııalynan týǵan ǵalamat mýzyka álemniń iri qalalarynyń úzdik sahnalarynda oryndalyp, klassıkalyq mýzykanyń talǵampaz tyńdarmandary arasynda zor qoshemetke bólenip júr.