جاڭالىقتار
«قازاق قىزدارى سamry-دان دا ارزان»: قالىڭ مالدى 10 ملن تەڭگەگە كوتەرۋ ۇسىنىلدى (ۆيدەو)
فوتو: abdulla.kz
Abdulla_kzkz Instagram پاراقشاسىندا بەيتانىس ايەل قالىڭ مالدىڭ باعاسى ارزان ەكەنىن ايتقان بەينەجازباسى جاريالاندى, دەپ حابارلايدى Skifnews.kz اقپارات پورتالى.
بەينەجازبادا ايەل قازاقستاندا قالىڭ مال وتە ارزان ەكەنىن جانە ونى 10 ميلليونعا دەيىن كوتەرۋ كەرەكتىگىن ايتتى.
قازاقتارعا قالىڭ مالدىڭ باعاسىن 10 ميلليونعا كوتەرۋ كەرەك. نەگە دەيسىز عوي, سەبەبى قازىرگى كەزدە قازاقتىڭ قىزدارىنىڭ باعاسى Camry-دان دا تومەن ءتۇسىپ كەتتى. 1 جارىم, 1 ميلليون بەرە سالىپ قۇتىلا سالادى. مەن, مىسالى, بۇعان وتە قارسىمىن. بۇل جەردە مەن ساۋدالاسىپ جاتقان جوقپىن, نەمەسە ءبىر قىزدى ساتىپ جاتقان جوقپىن. بۇل جەردە قازاق قىزىنىڭ قۇندىلىعىن, ءوزىمىزدىڭ سالت-ءداستۇرىمىزدىڭ قۇندىلىعىن جاڭعىرتىپ, كوتەرۋ كەرەك دەپ ويلايمىن. مىسالى, تۇرىكتەردە قىز الۋ ءۇشىن بالەنباي كيلوگرامم التىن بەرەدى, بىراق ول جاقتا اجىراسۋ دەگەن نارسە جوق. بىزدە بۇكىل دۇنيە ءجۇزى بويىنشا اجىراسۋ جاعىنان پوچتي 1 ورىندى الىپ تۇر ەكەنبىز. سەبەبى وسىنداي دۇنيەلەردەن قۇنسىزداندىرۋدىڭ كەسىرىنەن سونداي دۇنيەلەر بولادى. ەگەر دە ءبىز ءبىر قىزدى الۋ ءۇشىن 10 ميلليون بەرەتىن بولساق, 2 جاقتىڭ دا ءبىر-بىرىنە قارىم-قاتىناسى باسقاشا بولادى. قىز بالانىڭ الدىنداعى جىگىتتىڭ دە دەڭگەيى جوعارى بولادى – دەدى ول.
