«Qazaq qyzdary Samry-dan da arzan»: Qalyń maldy 10 mln teńgege kóterý usynyldy (VIDEO)

Foto: abdulla.kz

Abdulla_kzkz Instagram paraqshasynda beıtanys áıel qalyń maldyń baǵasy arzan ekenin aıtqan beınejazbasy jarııalandy, dep habarlaıdy Skifnews.kz aqparat portaly. 

Beınejazbada áıel Qazaqstanda qalyń mal óte arzan ekenin jáne ony 10 mıllıonǵa deıin kóterý kerektigin aıtty.

Qazaqtarǵa qalyń maldyń baǵasyn 10 mıllıonǵa kóterý kerek. Nege deısiz ǵoı, sebebi qazirgi kezde qazaqtyń qyzdarynyń baǵasy Camry-dan da tómen túsip ketti. 1 jarym, 1 mıllıon bere salyp qutyla salady. Men, mysaly, buǵan óte qarsymyn. Bul jerde men saýdalasyp jatqan joqpyn, nemese bir qyzdy satyp jatqan joqpyn. Bul jerde qazaq qyzynyń qundylyǵyn, ózimizdiń salt-dástúrimizdiń qundylyǵyn jańǵyrtyp, kóterý kerek dep oılaımyn. Mysaly, túrikterde qyz alý úshin bálenbaı kılogramm altyn beredi, biraq ol jaqta ajyrasý degen nárse joq. Bizde búkil dúnıe júzi boıynsha ajyrasý jaǵynan pochtı 1 oryndy alyp tur ekenbiz. Sebebi osyndaı dúnıelerden qunsyzdandyrýdyń kesirinen sondaı dúnıeler bolady. Eger de biz bir qyzdy alý úshin 10 mıllıon beretin bolsaq, 2 jaqtyń da bir-birine qarym-qatynasy basqasha bolady. Qyz balanyń aldyndaǵy jigittiń de deńgeıi joǵary bolady – dedi ol.