الەم جاڭالىقتارى
قازاق قىزى دونالد ترامپتىڭ يناۋگۋراتسياسىنا شاقىرتۋ الدى
فوتو: جەكە قورىنان
قازاقستاندىق ساياساتتانۋشى, CDF قوعامدىق قورىنىڭ نەگىزىن قالاۋشى دينا شايحيسلام اقش-تىڭ جاڭادان سايلانعان پرەزيدەنتى دونالد ترامپتىڭ يناۋگۋراتسياسىنا جەكە شاقىرتۋ الدى, دەپ حابارلايدى qandastar.kz
بۇل تۋرالى دينا شايحيسلام الەۋمەتتىك جەلىدەگى پاراقشاسىندا حابارلادى. ول اقش كونگرەسىنەن كەلگەن جەكە شاقىرتۋدىڭ بەينەجازباسىن جاريالادى.
ۆيدەودان شاقىرۋدىڭ قۇرامىنا يناۋگۋراتسياعا كىرۋ بيلەتى, قوسىمشا شاقىرتۋ حاتتارى, دونالد ترامپ پەن جاڭا ۆيتسە-پرەزيدەنت دجەي دي ۆەنستىڭ قولتاڭباسى بار فوتوسۋرەتتەر, يناۋگۋراتسيا باعدارلاماسى كىرەتىنىن كورۋگە بولادى.
«بۇگىن مەن پرەزيدەنت ترامپ پەن ۆيتسە-پرەزيدەنت ۆەنستىڭ يناۋگۋراتسياسىنا رەسمي شاقىرتۋ الدىم», – دەپ جازدى ول.
دونالد ترامپتىڭ اقش-تىڭ 47-پرەزيدەنتى رەتىندە يناۋگۋراتسياسى 2025 جىلدىڭ 20 قاڭتارىندا ۆاشينگتوندا, جەرگىلىكتى ۋاقىتپەن ساعات 12:00-دە وتەدى. سونىمەن قاتار ءراسىم بارىسىندا دجەي دي ۆەنس ۆيتسە-پرەزيدەنت رەتىندە انت بەرەدى.
