قازاق ستۋدەنتى رەسەيدە لاڭكەستىك اركەتكە قاتىستى كۇدىككە ءىلىندى – باق

23 جاستاعى قازاقستاندىق گارري ازارياندى سانكت-پەتەربۋرگتە تەرروريزمگە ۇگىتتەپ, مەملەكەتتىك قۇرىلىمدى وزگەرتۋگە ۇندەدى دەگەن كۇدىكپەن ۇستالدى, دەپ جازدى qandastar.kz

رەسەيدىڭ قۇقىق قورعاۋ ورگاندارى گارري ازارياننىڭ ءۇيىن تىنتۋ كەزىندە «پروپاگاندالىق ماتەريالدار» تابىلعانىن مالىمدەدى. 2025 جىلدىڭ قاڭتار-اقپان ايلارىندا ازارياننىڭ لەۆوراديكالدى «ەڭبەك بيلىگى» قوزعالىسىنىڭ جيىندارىندا رەۆوليۋتسيا, تاپتىق وشپەندىلىك جانە «كوشەنىڭ كۇشى» تۋرالى ايتىلعان سوزدەر قىلمىستىق ءىس قوزعاۋعا سەبەپ بولدى.

ءبىر بەيرەسمي كەزدەسۋدە ستۋدەنت كوپ ادامدى ولتىرۋگە جانە بيلىكتى وزگەرتۋگە شاقىرعان دەگەن اقپارات بار. ءىس ماتەريالدارىندا ونىڭ سوزدەرىنىڭ جازباسى بار. قازىر ونى قاماۋعا الۋ تۋرالى شەشىم قابىلدانىپ جاتىر. الايدا رەسمي ايىپ تاعىلعان جوق.

«ەڭبەك بيلىگى» قوزعالىسىنىڭ وكىلدەرى ءىستى جاساندى ءارى ساياسي استارى بار دەپ سانايدى. ولاردىڭ ايتۋىنشا, اتالعان جينالىس بەيبىت, سوعىسقا قارسى اكتسيا بولعان. بەلسەندىلەر قازاقستاندىق ستۋدەنتكە حالىقارالىق قورعاۋدى قامتاماسىز ەتۋىن تالاپ ەتىپ جاتىر.

Stan.kz حابارلاعانداي, بىلتىر تامىزدا ماسكەۋدە اسكەري كوميسسارياتتى ۆيدەوعا ءتۇسىرىپ جاتقان تاعى ءبىر قازاقستاندىق ۇستالعان ەدى.