Qazaq stýdenti Reseıde lańkestik árketke qatysty kúdikke ilindi – BAQ

23 jastaǵy qazaqstandyq Garrı Azarıandy Sankt-Peterbýrgte terrorızmge úgittep, memlekettik qurylymdy ózgertýge úndedi degen kúdikpen ustaldy, dep jazdy qandastar.kz

Reseıdiń quqyq qorǵaý organdary Garrı Azarıannyń úıin tintý kezinde «propagandalyq materıaldar» tabylǵanyn málimdedi. 2025 jyldyń qańtar-aqpan aılarynda Azarıannyń levoradıkaldy «Eńbek bıligi» qozǵalysynyń jıyndarynda revolıýııa, taptyq óshpendilik jáne «kósheniń kúshi» týraly aıtylǵan sózder qylmystyq is qozǵaýǵa sebep boldy.

Bir beıresmı kezdesýde stýdent kóp adamdy óltirýge jáne bılikti ózgertýge shaqyrǵan degen aqparat bar. Is materıaldarynda onyń sózderiniń jazbasy bar. Qazir ony qamaýǵa alý týraly sheshim qabyldanyp jatyr. Alaıda resmı aıyp taǵylǵan joq.

«Eńbek bıligi» qozǵalysynyń ókilderi isti jasandy ári saıası astary bar dep sanaıdy. Olardyń aıtýynsha, atalǵan jınalys beıbit, soǵysqa qarsy akııa bolǵan. Belsendiler qazaqstandyq stýdentke halyqaralyq qorǵaýdy qamtamasyz etýin talap etip jatyr.

Stan.kz habarlaǵandaı, byltyr tamyzda Máskeýde áskerı komıssarıatty vıdeoǵa túsirip jatqan taǵy bir qazaqstandyq ustalǵan edi.