جاڭالىقتار
«قازاقفيلمنىڭ» ۆيتسە-پرەزيدەنتى سوتتالدى
شاكەن ايمانوۆ اتىنداعى «قازاقفيلم» ۇلتتىق كينوستۋدياسى» اق ۆيتسە-پرەزيدەنتى سوتتالدى. بۇل تۋرالى انتيكور حابارلادى.
الماتى قالاسىنىڭ بوستاندىق اۋداندىق سوتى شاكەن ايمانوۆ اتىنداعى «قازاقفيلم» ۇلتتىق كينوستۋدياسى» اق بۇرىنعى ۆيتسە-پرەزيدەنتى س.س. جۇباندىقوۆقا قاتىستى ۇكىم شىعاردى. ول الماتى وبلىسى ىلە جاعالاۋىنداعى «كوشپەندىلەر» كينوجوباسى اياسىندا نارىقتىق قۇنىنان 44 ەسە تومەن باعامەن سالىنعان «تۇركىستان قالاسى» بۋتافور بەكىنىسىن زاڭسىز ىسكە اسىرۋ جولىمەن مەملەكەتكە زالال كەلتىرە وتىرا جىمقىرعانى ءۇشىن سوتتالدى.
سوت ۇكىمىمەن جۇباندىقوۆقا شارتتى تۇردە 5 جىل مەرزىمگە باس بوستاندىعىنان ايىرۋ جازاسى تاعايىندالدى. سونىمەن قاتار, اكتيۆتەردى قايتارۋ بويىنشا جۇرگىزىلگەن جۇمىستار جەر ۋچاسكەسى مەن بەكىنىس مەملەكەت مەنشىگىنە قايتارىلدى. ۇكىم زاڭدى كۇشىنە ەنگەن جوق.
