KAZAKHEXPORT OTANDYQ О́NDIRÝShILERDI QOLDAIDY

«KazakhExport» eksporttyq saqtandyrý kompanııasy» sońǵy bir jylda otandyq eksporttaýshylarǵa 324 mıllıard teńge kóleminde qoldaý kórsetken. «Bul rekordtyq kórsetkish»,- deıdi mamandar.  Tarazdaǵy kondıterlik ónimderdi óndiretin «Sáýle» fabrıkasy 2017 jyly jumysyn bastady. Kásiporyn 150 turǵyndy turaqty jumyspen qamtyp otyr. Jylyna 4500 tonna tátti óndirip, 70-ten asa taýar túrin shyǵarady. Taýarlaryn elimizdiń barlyq aımaǵy men Qytaı, Grýzııa syndy álemniń 6 eline eksporttaıdy. Shet elmen saýda sattyqqa «KazakhExport» ulttyq kompanııasy qoldaý kórsetýde. Dıas Shaýharov, «Sáýle» kondıterlik fabrıkasynyń kommerııalyq dırektory: — Satyp alýshy kompanııa bizge aqshasyn tólemeı ketse, ony biz 80 paıyzyn «KazakhExport»-tan ala alamyz. Taýardy qaryzǵa jiberý degen úlken rısk deıdi ǵoı. Sondyqtan sol rısk boıynsha bizge «KazakhExport» kompanııasy sekildi járdem beretin qyzmetteri óte tıimdi. Byltyr otandyq ónim shyǵaratyn 89 kompanııa KazakhExport-tyń qoldaýyna ıe boldy. Olardyń 60 proentke jýyǵy shaǵyn jáne orta bıznes ókilderi. Bul kásiporyndar tamaq jáne hımııa ónerkásibi, mashına jasaý, agroónerkásiptik keshen, metallýrgııa jáne basqa da salada jumys isteıdi. Dáýren Nuranov, «KazakhExport» ESK» AQ Saqtandyrý departamentiniń dırektory: — 2023 jyly KazakhExport 10 jylǵa memleketten 129 mıllıard teńge kóleminde kepildik aldy. Bul otandyq óndirýshilerdi qoldap, eksport kólemin arttyrýǵa mol múmkindik berip otyr. Qazirgi tańda kompanııamyz 650 mıllıard teńgeniń taýaryn saqtandyra alady.  «Báıterek» Ulttyq basqarýshy holdıngine qarasty «KazakhExport» ulttyq kompanııasy búginde álemniń kóptegen elimen baılanys ornatqan. Sonyń esebinen otandyq taýar óndirýshiler sheteldik naryqqa qıyndyqsyz shyǵa alady. Aıta keterligi 2016 jyldan bastap búginge deıin ulttyq kompanııa eksporttaýshylarǵa 1,1 trıllıon teńge kóleminde qoldaý kórsetti.