“Qazaqmys” shahterleriniń ereýili: Jalaqyny 100%-ǵa kóterý múmkin emes

Foto: KazTag

«Qazaqmys» korporaııasy beıbit ereýilge shyqqan shahterlerimen júrgizgen kelissóz barysynda jalaqyny eki ese kóterý múmkin emes ekenin málimdedi, dep habarlaıdy qandastar.kz

“Jalaqyny 100%-ǵa kóterý múmkin emes. Birinshiden, bul Qazaqstandaǵy búkil ónerkásiptiń toqtaýyna ákeledi. Búginde elimizde mundaı deńgeıdegi jalaqy eshbir jerde joq. Ekinshiden, bul el ekonomıkasyna úlken soqqy bolady. Barlyǵyńyz bilesizder, korporaııa jalaqyny kóterse, birden azyq-túlik, janarmaı baǵalary ósip, ol áleýmettik turǵydan osal toptarǵa aýyr tıedi. Sizderdiń jumysty toqtatý týraly sheshimderińiz biz úshin túsiniksiz”, – dedi jumys berýshi taraptyń ókili.

Dalanews.kz. jazǵandaı, ol jalaqy tek ınflıaııa deńgeıine sáıkes ındeksteletinin aıtty.

“Úkimet ınflıaııany qandaı paıyzben jarııalasa, korporaııa sol paıyzǵa sáıkes jalaqyny ındeksteıdi. Qazirgi boljam boıynsha, bul kórsetkish 8,5% bolýy múmkin”, – dedi kompanııa ókili.

Alaıda shahterler óz talaptary oryndalmaıynsha jumystaryna qaıta kirispeıtinderin málimdedi. KazTAG redakııasyna shahta ishinde ótken kelissózder barysynan vıdeo joldandy.

“Biz tek ózimizdiń adal eńbegimiz úshin laıyq aqy surap otyrmyz. Bastamashyl topqa qysym jasalmasyn. Biz kóp nárse talap etpeımiz, tek jalaqyny 100%-ǵa kóterýdi suraımyz. 500-600 myń teńge shahter úshin kóp aqsha dep oılaısyzdar ma?”, – dedi shahterlerdiń biri kelissóz barysynda.

Jumys berýshi tarap jaǵdaıdy baqylaý úshin jergilikti bılik pen quqyq qorǵaý organdarymen birlese jumys isteıtinderin jetkizdi.

“Bul máseleni zań aıasynda sheshýge tyrysamyz. Biraq zań buzýshylyqqa jol berilmeıdi. Eger zańsyz áreket bolsa, onyń saldary ózderińizge baılanysty”, – dedi kompanııa ókili.

Vıdeoda ereýilshiler bastamashyl toptyń qalaı qurylǵany týraly suraqtar qoıyp, túsinikteme beredi. Olardyń aıtýynsha, bul top shahterlerdiń aldyńǵy jınalysynan keıin korporaııa basshylyǵynyń usynysy boıynsha qurylǵan. Sondaı-aq, ereýilshiler quqyq qorǵaý organdary tarapynan qysym jasalyp jatqanyn jetkizdi.

Shahta syrtynda túsirilgen taǵy bir vıdeoda jumysshylar taramaıtyndaryn, alaıda beıbit kelissózderge daıyn ekenin bildirdi.

“Jigitter, tártip buzbaı, barynsha tynyshtyqty saqtaýǵa tyrysaıyq”, – dep ótindi jumys berýshi taraptyń ókili.

Eske salaıyq, 17 jeltoqsanda Ulytaý oblysynda«Qazaqmys korporaııasynyń»(«Jezqazǵantústimet«) fılıaly – «OńtústikQazaqstan« kenishiniń № 65 shahtasyndaereýil boldy. 250-den astam kenshi jerastyna túsýden bas tartty. Olar jalaqylaryn kóterý jáne eńbekjaǵdaılaryn jaqsartýdy talap etti. Búgin, 18 jeltoqsanda kompanııanyń baspasóz qyzmeti atalǵan jaıtqa qatysty túsinikteme berdi.

Kompanııa baspasóz qyzmetiniń habarlaýynsha, «2024 jylǵy 17 jeltoqsanda «Qazaqmys korporaııasy» JShS «Jezqazǵantústimet» О́B quramyna kiretin Ońtústik Jezqazǵan kenishi men Jylandy kenishiniń qyzmetkerleri ujymdyq talaptar bildirgen. Ońtústik Jezqazǵan kenishinde jumysshylar jalaqyny eki esege arttyrý jáne t. b. máselelerin atap ótti. Qyzmetkerlermen «Qazaqmys korporaııasy» JShS Bas dırektory jáne kásipodaq uıymdarynyń ókilderi túsindirý jumystaryn júrgizdi. Kezdesý barysynda olar «Jezqazǵanvetmet» О́B-daǵy eń tómengi jalaqy 363 000 teńgeni (MJMB úı-jaılaryn jınaýshy), medıanalyq jalaqy 650 000 teńgeni, al Ulytaý oblysy boıynsha medıanalyq jalaqy 404 105 teńgeni, al jalpy Qazaqstan boıynsha eki ese az jáne 285 677 teńgeni quraıtynyn atap ótti».

«Qazaqmys Korporaııasy» buǵan deıin 2025 jylǵy qańtardan bastap jalaqynyń ósýin jarııalaǵan bolatyn. Indeksteý 2024 jyly Ulttyq statıstıka bıýrosy resmı túrde belgilegen ınflıaııa deńgeıine júrgiziledi. Jalaqyny 8,5%-ǵa arttyrǵan kezde korporaııa boıynsha ortasha jalaqy 822 000 teńgege deıin (2024 jyly — 730 431 teńge), al jerasty jumysshylary úshin — 1 303 000 teńgege deıin (2024 jyly — 1 202 000 teńge) ósedi», delingen kompanııa habarlamasynda.

«Qazaqmys korporaııasy» 2020 jyldan bastap jyl saıyn jalaqyny kóterip keledi. Osy kezeńde jalaqynyń ortasha deńgeıi 151%-ǵa – 2020 jylǵy 326 196 teńgeden 2025 jylǵa arnalǵan aǵymdaǵy boljamdarǵa deıin kóterildi. Bul 2,5 esege ósýge sáıkes keledi.

Kompanııa jalaqynyń odan ári kúrt ósýi kompanııa shahtalarynyń rentabeldiligine qaýip tóndirýi múmkin ekenin naqtylaıdy. Jalaqyny kóterýden basqa, 2025 jyldan bastap 2025-2029 jyldarǵa arnalǵan jańa Ujymdyq shart kúshine enedi. Shart sheńberinde:

• materıaldyq kómek pen ótemaqy mólsherin ulǵaıtý;
• damý erekshelikteri bar balalardyń ata-analaryna qosymsha jeńildikter;
• balalar demalysy baǵdarlamalaryn keńeıtý;
• barlyq qyzmetkerlerdi erikti medıınalyq saqtandyrýmen qamtý.

Kompanııa óz jumyskerleri úshin eńbekti jaqsartýdan basqa, Sátbaev pen Jezqazǵan qalalaryna qomaqty ınvestıııalar júrgizýde, osylaısha 2023-2024 jyldar aralyǵynda óńirdiń 10-nan astam obektisine 30 mlrd teńgeden astam ınvestıııa salyndy.