«Qazaqmys» Ulytaýdaǵy shahta apatynyń aldyn ala sebebin jarııalady

Foto: ashyq derekkóz

Ulytaý oblysynda «Jomart» shahtasyndaǵy apatta úıindi astynda qalǵan jetinshi jumysshyny izdestirý jumystary jalǵasýda. «Qazaqmys» korporaııasy apattyń aldyn ala sebebin aıtyp, qaza tapqandardyń otbasylaryna qandaı kómek beriletini jóninde málimdeme jasady, —  dep habarlaıdy qandastar.kz

Korporaııa usynǵan aldyn ala málimetke sáıkes, «Qazaqmys» korporaııasynyń kenishteri úshin tán emes tabıǵı gazdyń jarylysy bolǵan.

— Oqıǵanyń mán-jaıy men sebepteri anyqtalýda. Qaıǵyly jaǵdaıdy tergeý úshin arnaıy memlekettik komıssııa quryldy. Tragedııanyń barlyq mán-jaıyn anyqtaýda tolyq kómek kórsetýde. «Qazaqmys» basshylyǵy men ujymy qaza tapqandardyń otbasylary men jaqyndaryna qaıǵyryp kóńil aıtady, — delingen habarlamada.

«Qazaqmys» ujymdyq kelisimshartta kózdelgendeı, «Jomart» kenishinde qaza tapqandardyń otbasylaryna barlyq qajetti kómek kórsetiletinin málimdedi.

— Áleýmettik jáne materıaldyq qoldaý maqsatynda, sonyń ishinde moraldyq zııandy óteý úshin qaza tapqandardyń otbasylaryna jumyskerdiń ortasha jyldyq jalaqysynyń 10 eselengen mólsheri jáne 2 mıllıon teńgeden astam jerleý rásimderin uıymdastyrýǵa tólenedi.

Sondaı-aq asyraýshysynan aıyrylý jaǵdaıyna aı saıynǵy tólemder, balalardyń oqý aqysyn tóleý, qaza tapqan jumysshylardyń nesıe jáne qaryzdaryn jabý, sondaı-aq otbasy músheleriniń ótinishi boıynsha basqa da kómek túrleri qarastyrylǵan, — delingen korporaııanyń resmı málimdemesinde.