جاڭالىقتار
«قازاقشا سويلەگىسى كەلمەيدى, مەن تالاپ ەتپەيمىن». بۇركىت ايەلىنىڭ قازاق تىلىنە دەگەن كوزقاراسىن اشىپ ايتتى
«بۇركىت» ەسىمىمەن ەلگە تانىلعان ءانشى ايبەك جانسەيىتوۆ جارى ايشانىڭ نە سەبەپتى قازاق تىلىندە سويلەمەيتىنى تۋرالى ايتىپ, قازاقشا سويلەگىسى كەلمەيتىنىن جەتكىزدى, دەپ حابارلايدى Qandastar.kz KYN.KZ اقپارات اگەنتتىگىنە سىلتەپ.
ونەر يەسى ايەلىنىڭ ەرەكشە قاسيەتىن اتاپ ءوتتى. بۇل “سىرلاسۋ” باعدارلاماسىندا اشىپ ايتتى.
“نەگىزى تابىسىمىز بىردەي. ونەردە قاتار جۇرگەسىن اقشانى بىرگە تابامىز. جاقىندا ايشا اناسىنا كولىك سىيلادى. حالىق تا ءالى شۋلاپ جاتىر-اۋ. سول تۋرالى ايتىپ بەرەيىن. ايشا مەن اناسى قاراعاندىعا كەتىپ قالعاندا سىيلىقتى مەن دايىنداپ قويعانمىن. “سەن ءوزىڭ بەرە بەر, اناڭ قۋانىپ قالادى” دەپ ەدىم, ءۇزىلدى-كەسىلدى باس تارتتى. ويتكەنى وتىرىك ايتا المايدى. باسقا بىرەۋ بولسا: “اناما مەن سىيلاپ جاتىرمىن” دەۋشى ەدى. ءتۇرلى پاراقشالارعا سالىپ, ماقتانىپ ايتاتىن ەدى. سونداي بولمىسىمەن مەنى قاتتى تاڭعالدىرادى. كۇن سايىن وسىنداي ايەل بولعانىنا ءتاۋبا دەيمىن. قۇدايدان سۇراپ العان ايەلىم”, – دەپ اعىنان جارىلدى ءانشى.
سونىمەن قاتار ايەلىنىڭ قازاق ءتىلىن ءالى ۇيرەنبەگەنىن, سويلەگىسى كەلمەيتىنىن جەتكىزدى.
“تاعى ءتىل ۇيرەنۋ تۋرالى سۇراق الدىمىزدان شىقتى. مەن ءالسىز بولىپ تۇرمىن. 10 جىلدان استام ۋاقىت بىرگە كەلە جاتىرمىز. قازاقشا تۇسىنەدى, بىراق سويلەگىسى كەلمەيدى. ءبىر جىلدان بەرى اتا-انامىزدى قولىمىزعا الدىق. ولار تازا قازاقشا سويلەيدى. بالالاردىڭ دا ءتىلى قازاقشا شىقتى. ايشا قازاق ءتىلىن بالالارىنان ۇيرەنىپ ءجۇر. كەيدە اكەم ورىسشا سويلەپ قويادى. سونداي كەزدە تىيىپ تاستايمىن. بىراق ايشانىڭ وزىنە قىسىم كورسەتىپ, تالاپ ەتپەيمىن”, – دەگەن ەدى بۇركىت.
