Jańalyqtar
«Qazaqsha sóılegisi kelmeıdi, men talap etpeımin». Búrkit áıeliniń qazaq tiline degen kózqarasyn ashyp aıtty
«Búrkit» esimimen elge tanylǵan ánshi Aıbek Janseıitov jary Aıshanyń ne sebepti qazaq tilinde sóılemeıtini týraly aıtyp, qazaqsha sóılegisi kelmeıtinin jetkizdi, dep habarlaıdy Qandastar.kz KYN.KZ aqparat agenttigine siltep.
О́ner ıesi áıeliniń erekshe qasıetin atap ótti. Bul “Syrlasý” baǵdarlamasynda ashyp aıtty.
“Negizi tabysymyz birdeı. О́nerde qatar júrgesin aqshany birge tabamyz. Jaqynda Aısha anasyna kólik syılady. Halyq ta áli shýlap jatyr-aý. Sol týraly aıtyp bereıin. Aısha men anasy Qaraǵandyǵa ketip qalǵanda syılyqty men daıyndap qoıǵanmyn. “Sen óziń bere ber, anań qýanyp qalady” dep edim, úzildi-kesildi bas tartty. О́ıtkeni ótirik aıta almaıdy. Basqa bireý bolsa: “Anama men syılap jatyrmyn” deýshi edi. Túrli paraqshalarǵa salyp, maqtanyp aıtatyn edi. Sondaı bolmysymen meni qatty tańǵaldyrady. Kún saıyn osyndaı áıel bolǵanyna táýba deımin. Qudaıdan surap alǵan áıelim”, – dep aǵynan jaryldy ánshi.
Sonymen qatar áıeliniń qazaq tilin áli úırenbegenin, sóılegisi kelmeıtinin jetkizdi.
“Taǵy til úırený týraly suraq aldymyzdan shyqty. Men álsiz bolyp turmyn. 10 jyldan astam ýaqyt birge kele jatyrmyz. Qazaqsha túsinedi, biraq sóılegisi kelmeıdi. Bir jyldan beri ata-anamyzdy qolymyzǵa aldyq. Olar taza qazaqsha sóıleıdi. Balalardyń da tili qazaqsha shyqty. Aısha qazaq tilin balalarynan úırenip júr. Keıde ákem oryssha sóılep qoıady. Sondaı kezde tyıyp tastaımyn. Biraq Aıshanyń ózine qysym kórsetip, talap etpeımin”, – degen edi Búrkit.
