الەۋمەت جانە قوعامجاڭالىقتار
قازاقشا سويلەۋدى تالاپ ەتكەن قىزمەتكەرىن جۇمىستان قۋعان كومپانياعا جاپپاي بايكوت جاريالاندى
فوتو: اشىق دەرەككوز
الەۋمەتتىك جەلى قولدانۋشىلارى قازاق ءتىلىن تالاپ ەتكەن قىزمەتكەرىن جۇمىستان قۋعان كومپانيا نارازى بولىپ, جاپپاي بايكوت جاريالاپ جاتىر, دەپ حابارلايدى qandastar.kz
Malim.kz پورتالى جاعدايدى ەگجەي-تەگجەيلى باياندادى.
ءبارى قالاي باستالدى?
اسىلحان ەسىمدى ازامات Magnum ساۋدا جەلىسى ارقىلى ازىق-ت ۇلىككە تاپسىرىس بەرىپ, ونى جەتكىزگەن كۋرەرمەن تىلدەسكەن. تىلدەسۋ بارىسىندا كۋرەردىڭ قازاقشا سويلەۋىن تالاپ ەتكەنىن جەلىگە جازعان. جازبانى وقىعان كومپانيا باسشىلىعى ەشقانداي ەسكەرۋ بەرمەستەن, اشىق تالقىلاماستان, قىزمەتكەردى بىردەن جۇمىستان شىعارىپ جىبەرگەن.
مەن شاعىم تۇسىرمەدىم. بىراق پوستىمدى وقىپ, كۋرەردى جۇمىستان شىعارىپتى. ەندى قايتا كىرە المايتىن بولعان, — دەپ اقتالدى جەلى قولدانۋشىسى.
وسىدان كەيىن Facebook الەۋمەتتىك پاراقشاسىندا رەزونانس باستالدى. رۋسلان تۇسىپبەكوۆ ەسىمدى بەلسەندى بۇل مەملەكەتتىك تىلگە جاسالعان قاستاندىق ەكەنىن ايتادى.
ءبىر قازاق ەكىنشى قازاقتى قازاقشا سويلە دەپ رەنجىتتى. سوڭعىسى جۇمىستان قۋىلدى. ءبىرىنشىسى وكىنەتىن سياقتى, بىراق Magnum كومپانياسىنىڭ لوگيستيكالىق ديرەكتورىنىڭ ءوزى حابارلاسىپ, ماسەلەنى شەشكەنىنە وتە قۋانىشتى.مىنە, تاۋەلسىزدىكتىڭ 34-ءشى جىلىندا ۇلى دالادا بولىپ جاتقان جايتتار وسىنداي. مىسالى, رەسەيدەگى جاعدايدى ەلەستەتىپ كورىڭىز. رەسەيدە ورىس تىلىندە سويلەۋدى سۇراعان كۋرەردى جۇمىستان شىعارۋ – قوعامدا ۇلكەن رەزونانس تۋعىزار ەدى. بۇل جاعدايدا رەسەيدە, رەسمي ءتىل — ورىس ءتىلى بولعاندىقتان, قىزمەتكەرلەردىڭ رەسمي تىلدە سويلەسۋگە قۇقىعى بار دەپ سانالادى. مەملەكەتتىك تىلدە سويلەسۋدى تالاپ ەتكەن قىزمەتكەردى ەش جەردە جۇمىستان شىعارۋعا جول بەرىلمەيدى. بىزگە وڭاي! وسىدان كەيىن ءبىزدى كىم سىيلايدى?- دەيدى رۋسلان تۇسىپبەكوۆ.
بۇل پوستقا Magnum وكىلى جاۋاپ بەرىپ, كونستيتۋتسيادا ورىس ءتىلى مەملەكەتتىك تىلمەن تەڭ قولدانىلاتىنىن العا تارتتى.
ءبىز ءوز جۇمىسىمىزدا قازاقستان رەسپۋبليكاسىنىڭ زاڭناماسىن باسشىلىققا الامىز. مەملەكەتىمىزدىڭ كونستيتۋتسياسىنا سايكەس: «مەملەكەتتىك ۇيىمداردا, جەرگىلىكتى ءوزىن-ءوزى باسقارۋ ورگاندارىندا, جانە ۇيىمداردا ورىس ءتىلى رەسمي تۇردە قازاق تىلىمەن تەڭ قولدانىلادى». ءبىز ادامداردى ۇلتىنا قاراي بولمەيمىز جانە بارلىق ساتىپ الۋشىلارىمىزعا بىردەي قامقورلىق جاسايمىز. ءبىز جۇمىسىمىز بارىسىندا ساتىپ الۋشىلاردى تاربيەلەمەۋىمىز جانە ولارعا مادەني نەمەسە باسقا دا دۇنيەتانىمدىق تالاپتار قويماۋىمىز كەرەك. سوندىقتان ءبىز قىزمەتكەرىمىزدى سويلەسۋ ءتىلى ءۇشىن ەمەس, ساتىپ الۋشىمەن قارىم-قاتىناس جاساۋ مانەرى, جۇمىس ورنىنداعى لاۋازىمدى اسىرا سىلتەپ پايدالانعانى ءۇشىن جۇمىستان بوساتتىق, — دەيدى كومپانيا وكىلى.
ال جەلى قولدانۋشىلارى, بەلسەندى ازاماتتار «قازاقتىڭ نانىن, سۋىن ءىشىپ وتىرىپ, قازاق ءتىلىن قۇرمەتتەمەيتىن Magnum-نىڭ قۇنى ءبىز ءۇشىن كوك تيىن», — دەپ نارازىلىق ءبىلدىرىپ جاتىر.
