جاڭالىقتار
«قازاقشا جاۋاپ بەرىڭىز!»: FlyArystan-داعى جانجالدان رەيس 3 cاعاتقا كەشىكتىرىلدى
FlyArystan اۋەكومپانياسىنىڭ تۇركىستان-الماتى باعىتىنداعى ۇشاقتا وتىرعىزۋ كەزىندە داۋ شىقتى. جولاۋشى اۋەكومپانياسىنىڭ قىزمەتكەرىنەن قازاقشا جاۋاپ بەرۋدى تالاپ ەتىپ, ارتى جانجالعا ۇلاسقان, دەپ حابارلايدى Qandastar.kz
وقيعا 17 تامىزدا تۇركىستان اۋەجايىندا FS7162 رەيسىنە وتىرعىزۋ كەزىندە بولعان. تاسىمالداۋشىنىڭ ايتۋىنشا, جانجال كەزىندە ايەل اۋەجاي قىزمەتكەرىن يتەرىپ جىبەرگەن.
جاعداي جانجالعا ۇلاسىپ, قىزمەتتەر شاقىرىلدى. سالدارىنان رەيس ءۇش ساعاتقا كەشىكتىرىلدى.
جولاۋشى قىزمەتكەرلەردىڭ مەملەكەتتىك تىلدە جاۋاپ بەرۋىن تالاپ ەتتى, بىراق جولاۋشى ولاي بولمادى دەيدى. ۆيدەو الەۋمەتتىك جەلىدە تاراپ كەتتى.
FlyArystan قىزمەتكەرلەرى كۋاگەر بولعان جولاۋشىلاردان ۆيدەونى وشىرۋدى تالاپ ەتتى. بۇل كوپشىلىكتىڭ نارازىلىعىن تۋدىردى.
ء«تيىستى قىزمەتتەر شاقىرىلدى. ۇشاق بورتىنداعى جاعدايعا FlyArystan جەرۇستى قىزمەتىنىڭ وكىلى وتىرعىزۋ اياقتالعان كەزدە ارالاستى. ول جولاۋشىعا مىنەز-ق ۇلىق ەرەجەلەرىن تۇسىندىرمەك بولدى. تاراتىلعان ۆيدەو تولىق سالىنباعان. اۋەجاي اگەنتىنىڭ قاتىسۋىمەن جازبانى جويۋ تۋرالى ءوتىنىش تەك جانجالدى شەشۋگە باعىتتالعان», – دەپ مالىمدەدى اۋەكومپانيانىڭ ءباسپاسوز قىزمەتى.
جولاۋشىلاردىڭ ايتۋىنشا, ءۇش ساعاتقا جۋىق كەشىگۋگە ءدال وسى اۋىزشا كيكىلجىڭ سەبەپ بولعان. كەيىن كومپانيا قىزمەتكەرى كەشىرىم سۇراپ, ۇشاق الماتىعا ۇشىپ كەتتى.
