«Qazaqsha jaýap berińiz!»: FlyArystan-daǵy janjaldan reıs 3 caǵatqa keshiktirildi

FlyArystan áýekompanııasynyń Túrkistan-Almaty baǵytyndaǵy ushaqta otyrǵyzý kezinde daý shyqty.  Jolaýshy áýekompanııasynyń qyzmetkerinen qazaqsha jaýap berýdi talap etip, arty janjalǵa ulasqan, dep habarlaıdy Qandastar.kz

Oqıǵa 17 tamyzda Túrkistan áýejaıynda FS7162 reısine otyrǵyzý kezinde bolǵan. Tasymaldaýshynyń aıtýynsha, janjal kezinde áıel áýejaı qyzmetkerin ıterip jibergen.

Jaǵdaı janjalǵa ulasyp, qyzmetter shaqyryldy. Saldarynan reıs úsh saǵatqa keshiktirildi.

Jolaýshy qyzmetkerlerdiń memlekettik tilde jaýap berýin talap etti, biraq jolaýshy olaı bolmady deıdi. Vıdeo áleýmettik jelide tarap ketti.

FlyArystan qyzmetkerleri kýáger bolǵan jolaýshylardan vıdeony óshirýdi talap etti. Bul kópshiliktiń narazylyǵyn týdyrdy.

«Tıisti qyzmetter shaqyryldy. Ushaq bortyndaǵy jaǵdaıǵa FlyArystan jerústi qyzmetiniń ókili otyrǵyzý aıaqtalǵan kezde aralasty. Ol jolaýshyǵa minez-qulyq erejelerin túsindirmek boldy. Taratylǵan vıdeo tolyq salynbaǵan. Áýejaı agentiniń qatysýymen jazbany joıý týraly ótinish tek janjaldy sheshýge baǵyttalǵan», – dep málimdedi áýekompanııanyń baspasóz qyzmeti.

Jolaýshylardyń aıtýynsha, úsh saǵatqa jýyq keshigýge dál osy aýyzsha kıkiljiń sebep bolǵan. Keıin kompanııa qyzmetkeri keshirim surap, ushaq Almatyǵa ushyp ketti.