«Qazaqshasóıleshnıkter»: Qoǵam belsendisiniń jelide qazaq tiline qatysty aıtqan sózi synǵa qaldy

Foto: Erjan Esimhan Instagram jelisinen

Jelide Erjan Esimhan esimdi qoǵam belsendisiniń qazaq tiline qatysty aıtqan pikiri synǵa qaldy. Ol qazaq tilin talap etetinderdi “qazaqshasoıleshnıkter” dep ataǵan. Jurtshylyq bul jazbaǵa renjip, onyń aıtqan pikirlerine qarsy shyqty, dep jazdy qandastar.kz

Bul týraly Stan.kz aqparat agenttigi habarlaıdy.

Jeli belsendisi jazbasynda Arým Natzorhang esimdi tekstterdi ejelgi tilge aýdaratyn jigit týraly jazǵan. Ol jigittiń aýdarmalary astynda grek halqynyń ózara talasqanyn aıtyp, “bizdiń “qazaqshasoıleshnıkterge” qaıda?” dep jazǵan.

Bul pikirden soń kópshilikjazba astyna nelikten qazaq tilin talap etetinderdi bulaı ataǵanyna narazylyq tanytty.

“Bul jerde bizdiń “qazaqshasoıleshnıkterdiń” ne qatysy bar? О́z elimizde óz tilimizde sóıleýdi suraǵanymyz úshin bir jyndy boldyq qoı!”,

“Eger sen áli kúnge deıin bul jaı til máselesi emes, tilge baılanysty júıeli kemsitýshilik ekenin túsinbeseń, onda eki ǵana túrge bólinesiń. Ne sen janashyrlyǵy joq adamsyń, ne sen – osy júıeden paıda kórip otyrǵan, artyqshylyqtarǵa ıe adamsyń, ıaǵnı orysquldanǵan qazaqsyń. Orysquldanǵan qazaq: óz elińde óz tilińde sóılegeniń úshin az jalaqy alý, aqparat quraldarynda kórinbeý, jumysqa tura almaý, akademııada nemese bızneste esh múmkindigiń bolmaý sııaqty dúnıelerdiń qandaı aýyr ekenin eshqashan túsinbeıdi”, – dep jazdy jeli qoldanýshysy.

Foto: Jeli jazbalarynan skrın

Alaıda Erjan Esimhan ózine qarsy osy saryndaǵy pikir aıtqandardyń bárin buǵattap tastaǵan.

“Qazir meni «qazaq tiline qurmetsizdik kórsetti» dep aıyptap, «qoǵamnan shettetý kerek» degendi baıyppen aıtyp júrgender bar eken. Ásirese, Threads-ta qoldanǵan «Qazaqshasóıleshnıkter» degen tirkeske narazy.

Iá, bul sátsiz, orynsyz sóz bolǵan shyǵar. Biz bárimiz – adambyz, qatelesemiz. Biraq men ne aıtpaq bolǵanymdy túsindirgim keledi. Qazaq tilin úırenýge jyly, sypaıy túrde úndeý jasap, kómektesýge bolady. Nemese buryshqa tyǵyp, urysyp «Qazaqsha sóıle!» dep aıqaılaıtyndar bar. Men óz sózimde dál ekinshi toptaǵy adamdardy aıtqan edim”, – depjaýap berdi ol.

Jeli belsendisi óziniń qazaq tilin jetik bilmeıtinine orys tildi ortada óskenin sebep etti. Aıtýynsha, qazaq tilin biletinder esh eńbeýtenbeı-aq ortasy sondaı bolǵasyn sóıleı alady.

“Qazir qazaq tilin aptasyna eki ret repetıtormen oqyp júrmin, fılmder kóremin, kitaptar oqýǵa tyrysamyn. Keıin, mindetti túrde sóıleıtin bolamyn.

Al endi maǵan «nege bilmeısiń» dep syn aıtqysy keletinderge bir ǵana suraǵym bar: Qazaq tilin bala kezden bilesiń be, álde men sııaqty eresek kezde úırenip jatyrsyń ba? Eger bala kezden bilseń – bul seniń eńbegiń emes qoı. Jaı ǵana ortań sondaı bolǵan. Sondyqtan qazaq tilin bilmeıtin, biraq úırenýge tyrysyp júrgen adamdy tek óz kúshimen nólden bastap úırengen adam ǵana synaı alady. Tipti mundaı jaǵdaıdyń ózinde synaǵannan góri, qoldaý kórsetken durys dep oılaımyn.

Maǵan «patrıot emessiń», «elge qurmetiń joq» dep aıtatyn adam meni múlde tanymaıtyn adam dep esepteımin. Bul elde 21 jyldan beri jumys istep kelemin. Kóptegen jobalar jasadym, qaıyrymdylyq arqyly talaı adamǵa kómektestim. Anglııada qalyp qoıýyma bolar edi, biraq Qazaqstanǵa oraldym. Qazir osynda turyp jatyrmyn, balalarym ósip jatyr – olar qazaqsha óte jaqsy sóıleıdi”, – dep jaýap berdi ol.