قازاقستان اەس قۇرىلىسىن جۇرگىزۋى مۇمكىن كومپانيالارمەن كەلىسسوزدەردى باستادى

فوتو: اشىق دەرەككوز

قازاقستانداعى اەس قۇرىلىسىن جۇرگىزەتىن كومپانيالارمەن رەسمي كەلىسسوزدەر باستالدى. بۇل تۋرالى  qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

بۇل تۋرالى ەنەرگەتيكا مينيسترلىگى مالىمدەدى.

مينيسترلىكتىڭ مالىمەتىنشە, كەلىسسوزدەر باسەكەلەستىك ديالوگ ءراسىمى بويىنشا جۇرگىزىلەدى, بۇل سەرىكتەستىكتىڭ بارلىق اسپەكتىلەرىن – تەحنيكالىق, ەكونوميكالىق جانە قۇقىقتىق ماسەلەلەرگە دەيىن تالقىلاۋعا مۇمكىندىك بەرەدى.

«بۇل فورمات حالىقارالىق ستاندارتتارعا سايكەس جانە بىزگە قازاقستاننىڭ ۇلتتىق مۇددەلەرىنە سايكەس كەلەتىن وڭتايلى شەشىمدى تاڭداۋعا مۇمكىندىك بەرەدى. اەس قۇرىلىسى ۇشىن جەتكىزۋشى نەمەسە كونسورتسيۋمدى تاڭداۋ تۋرالى تۇپكىلىكتى شەشىم 2025 جىلى قابىلدانادى», – دەلىنگەن حابارلامادا.

ايتا كەتەيىك, قازاقستاندا اەس سالۋ بويىنشا رەفەرەندۋم 6 قازان كۇنى ءوتتى. سوڭعى ناتيجەلەر رەفەرەندۋمدا 5 561 937 ازامات نەمەسە 71,12% اەس سالۋدى قولداپ داۋىس بەردى.

ەسكە سالساق, بۇعان دەيىن ەنەرگەتيكا ءمينيسترى ەلدەگى اەس قۇرىلىسىنا دايىندىق تۋرالى ايتقان ەدى.