Álem jańalyqtary
Qazaqstan AES qurylysyn júrgizýi múmkin kompanııalarmen kelissózderdi bastady
Foto: ashyq derekkóz
Qazaqstandaǵy AES qurylysyn júrgizetin kompanııalarmen resmı kelissózder bastaldy. Bul týraly qandastar.kz Stan.kz aqparat agenttigine silteme jasap habarlaıdy.
Bul týraly energetıka mınıstrligi málimdedi.
Mınıstrliktiń málimetinshe, kelissózder básekelestik dıalog rásimi boıynsha júrgiziledi, bul seriktestiktiń barlyq aspektilerin – tehnıkalyq, ekonomıkalyq jáne quqyqtyq máselelerge deıin talqylaýǵa múmkindik beredi.
«Bul format halyqaralyq standarttarǵa sáıkes jáne bizge Qazaqstannyń ulttyq múddelerine sáıkes keletin ońtaıly sheshimdi tańdaýǵa múmkindik beredi. AES qurylysy úshin jetkizýshi nemese konsorıýmdy tańdaý týraly túpkilikti sheshim 2025 jyly qabyldanady», – delingen habarlamada.
Aıta keteıik, Qazaqstanda AES salý boıynsha referendým 6 qazan kúni ótti. Sońǵy nátıjeler referendýmda 5 561 937 azamat nemese 71,12% AES salýdy qoldap daýys berdi.
Eske salsaq, buǵan deıin energetıka mınıstri eldegi AES qurylysyna daıyndyq týraly aıtqan edi.
