جاڭالىقتار
قازاقستان اەس سالۋعا اقشانى قايدان الادى?
كوللاج: ش.ادامبەكوۆا
ۇلتتىق ەكونوميكا ۆيتسە-ءمينيسترى ارمان قاسەنوۆ اتوم ەلەكتر ستانتسياسىنىڭ قۇرىلىسىن قارجىلاندىرۋعا قاتىستى سۇراققا جاۋاپ بەردى, دەپ حابارلايدى qandastar.kz Egemen.kz-كە سىلتەمە جاساپ.
ارمان قاسەنوۆتىڭ ايتۋىنشا, اەس قۇرىلىسىن ءبولىپ تولەۋگە بولادى.
«اەس-ءتىڭ قۇرىلىسىمەن اينالىساتىن ەلدەر تۋرالى شەشىم قابىلدانعان جوق. وسىعان سايكەس, اەس قۇرىلىسىن قارجىلاندىرۋدىڭ ءبىر نۇسقاسى – ونى ءبولىپ-ءبولىپ الۋ ەكەنىن بىلەمىن. ونى سالاتىن كومپانيا تولەمدى كەيىنگە قالدىرۋى مۇمكىن. تيىسىنشە, ونى قارجىلاندىرۋ ءۇشىن قاراجات ءدال قازىر قاجەت بولماۋى دا مۇمكىن. بىراق قازىر بۇل تۋرالى ناقتى ايتا المايمىز, ويتكەنى ونى كىم سالاتىنى ءالى بەلگىسىز», دەدى ول.
ەسكە سالا كەتەيىك, 6 قازاندا قازاقستاندا اەس سالۋ ماسەلەسى بويىنشا رەسپۋبليكالىق رەفەرەندۋم وتكەن ەدى. ورتالىق رەفەرەندۋم كوميسسياسىنىڭ مالىمەتىنشە, ەل ازاماتتارىنىڭ 71,12 پايىزى اەس سالۋدى قولداعان.
