Qazaqstan AES salýǵa aqshany qaıdan alady?

Kollaj: Sh.Adambekova

Ulttyq ekonomıka vıe-mınıstri Arman Qasenov atom elektr stanııasynyń qurylysyn qarjylandyrýǵa qatysty suraqqa jaýap berdi, dep habarlaıdy qandastar.kz  Egemen.kz-ke silteme jasap.

Arman Qasenovtyń aıtýynsha, AES qurylysyn bólip tóleýge bolady.

«AES-tiń qurylysymen aınalysatyn elder týraly sheshim qabyldanǵan joq. Osyǵan sáıkes, AES qurylysyn qarjylandyrýdyń bir nusqasy – ony bólip-bólip alý ekenin bilemin. Ony salatyn kompanııa tólemdi keıinge qaldyrýy múmkin. Tıisinshe, ony qarjylandyrý úshin qarajat dál qazir qajet bolmaýy da múmkin. Biraq qazir bul týraly naqty aıta almaımyz, óıtkeni ony kim salatyny áli belgisiz», dedi ol.

Eske sala keteıik, 6 qazanda Qazaqstanda AES salý máselesi boıynsha respýblıkalyq referendým ótken edi. Ortalyq referendým komıssııasynyń málimetinshe, el azamattarynyń 71,12 paıyzy AES salýdy qoldaǵan.