Qazaqstan AQSh-qa 49 jylǵa jalǵa jer berdi

Foto: ashyq derekkóz

Kelisim kúshine endi, – dep jazady qandastar.kz atamekenbusiness_qaz silteme jasap.

«Qazaqstan Respýblıkasynyń Úkimeti Amerıka Qurama Shtattarynyń Úkimetine Almaty qalasyndaǵy AQSh-tyń konsýldyq mekemesiniń ǵımaratyn salý úshin jer ýchaskesin jalǵa berý týraly kelisimniń jobasy maquldansyn», – delingen Qazaqstan Úkimetiniń qaýlysynda.

Kelisim jobasyna sáıkes Almaty qalasyndaǵy Jamaqaeva kóshesi, Ál-Farabı dańǵyly, Seıfýllın dańǵyly, Aldara Kóse kóshesiniń arasynda ornalasqan jer ýchaskesi jalǵa beriledi. Jaldaý merzimi shart jasalǵan kúnnen bastap 49 jyl dep eseptelingen. Bul rette jaldaý merzimi taǵy 49 jylǵa uzartylýy múmkin. Ýchaske aýdany – 70 593 sharshy metr.

«Jalǵa alý aqysy (jalpy uzaqtyǵyna shekteýsiz) 25 301 016 dollar jáne osy kelisim kúshine engen kúnnen bastap 30 kúntizbelik kún ishinde bir rettik tólemmen tólenedi», – delingen kelisim jobasynda.