الەۋمەت جانە قوعام
قازاقستان الياسكاداعى كەزدەسۋدى ۋكراينا بويىنشا كەلىسسوزدەر ۇدەرىسىنىڭ باستاماسى رەتىندە قۇپتايدى
فوتو: اقوردا
قازاقستان رەسەي مەن اقش پرەزيدەنتتەرىنىڭ انكوريدجدەگى كەزدەسۋىن ۋكراينا بويىنشا ەڭ جوعارى دەڭگەيدەگى كەلىسسوزدەر ۇدەرىسىنىڭ باستاماسى رەتىندە قۇپتايدى, دەپ حابارلايدى qandastar.kz Dalanews.kz-كە سىلتەمە جاساپ.
بۇل تۋرالى بۇگىن مەملەكەت باسشىسىنىڭ ءباسپاسوز حاتشىسى رۋسلان جەلدىباي الەۋمەتتىك جەلىدە جازدى.
«مەملەكەت باسشىسى قاسىم-جومارت توقاەۆ بۇل تاريحي سامميت ەكى ەل باسشىلارىنىڭ ساياسي ەرىك-جىگەرىنىڭ ارقاسىندا مۇمكىن بولدى دەپ سانايدى. ولار قازىرگى زاماننىڭ ەڭ باستى پروبلەمالارىنا, سونىڭ ىشىندە ۋكرايناداعى اسكەري ءىس-قيمىلداردى توقتاتۋعا قاتىستى ورتاق شەشىم تابۋعا شىنايى نيەتتى ەكەنىن كورسەتتى», دەلىنگەن حابارلامادا.
بۇعان دەيىن ترامپ پەن ءپۋتيننىڭ الياسكاداعى كەلىسسوزدەرىنىڭ قورىتىندىسى جاريالانعانىن جازعانبىز. سونداي-اق بۇل كەزدەسۋگە قاتىستى ساياساتتانۋشىلار قانداي ويدا ەكەنىن دە جەتكىزگەن ەدىك.
