جاڭالىقتار
قازاقستان ارمياسىنىڭ تاعى 20 مىڭ ساربازبەن تولىعاتىنى حابارلاندى
فوتو: اشىق دەرەككوز
ەلىمىزدە كۇزگى اسكەرگە شاقىرۋ ناۋقانى باستالدى. قازاقستان ارمياسى تاعى 20 مىڭ ساربازبەن تولىقپاق, دەپ حابارلايدى qandastar.kz «استانا» تەلەارناسىنا سىلتەپ.
مەرزىمدى اسكەري قىزمەتكە شاقىرۋدى كەيىنگە قالدىرۋعا نەمەسە بوساتۋعا نەگىزدەرى جوق 18 جاستان 27 جاسقا دەيىنگى ازاماتتار اسكەرگە شاقىرىلادى.
ايتا كەتەيىك, بيىل ساربازدارعا ارنالعان ارتىقشىلىقتار زاڭ جۇزىندە بەكىتىلدى. ولارعا قىزمەت ەتۋ كەزىندە جانە اسكەردەن بوساتىلعاننان كەيىن ەكى اي ۋاقىتقا نەسيەلىك دەمالىس بەرىلەدى. بۇگىنگى تاڭدا 6 مىڭنان استام اسكەري قىزمەتشىنىڭ 1 ملرد 828 ملن تەڭگە كولەمىندەگى تولەمدەرى كەيىنگە قالدىرىلعان. بۇدان بولەك, وتان الدىنداعى بورىشىن وتەگەن ازاماتتارعا ستۋدەنتتىك جاتاقحانادان ورىن بەرۋ جەڭىلدىكتەرى قاراستىرىلعان. بۇگىنگى تاڭدا اسكەردە قىزمەت ەتكەن مىڭ جارىمنان استام ادام جاس وقۋ ورىندارىنا تەگىن, ال اقىلى تۇردە 700-دەن استامى وقۋعا تۇسكەن. وسى جىلدىڭ كوكتەمىندە زاپاسقا شىعارىلعان 400-دەن استام اسكەري قىزمەتشى كەلىسىمشارت بويىنشا اسكەري قىزمەتكە ورنالاسقان.
قالالىق جانە اۋداندىق شاقىرۋ كوميسسيالارى جەرگىلىكتى اتقارۋشى ورگاندار اكىمدەرىنىڭ ورىنباسارلارىنىڭ توراعالىعىمەن جۇمىس ىستەيتىنىن ەستەرىڭىزگە سالا كەتەيىك. شاقىرۋ ناۋقانى بارىنشا اشىق فورماتتا وتكىزىلەدى. اسكەرگە شاقىرىلۋشىلار, ولاردىڭ اتا-انالارى, جۋرناليستەر, قوعام وكىلدەرى قاجەتتى اقپاراتقا جۇگىنىپ, بارلىق سۇراقتارعا جاۋاپ الا الادى. ءار قورعانىس ىستەرى جونىندەگى دەپارتامەنتىندە «جەدەل جەلى» مەن الەۋمەتتىك جەلىلەردەگى رەسمي اككاۋنتتار ىسكە قوسىلعان, – دەدى قر قورعانىس مينيسترلىگىنىڭ ءباسپاسوز حاتشىسى رۋسلان جانگۋلين.
