Qazaqstan armııasynyń taǵy 20 myń sarbazben tolyǵatyny habarlandy

Foto: ashyq derekkóz

Elimizde kúzgi áskerge shaqyrý naýqany bastaldy. Qazaqstan armııasy taǵy 20 myń sarbazben tolyqpaq, dep habarlaıdy qandastar.kz «Astana» telearnasyna siltep. 

Merzimdi áskerı qyzmetke shaqyrýdy keıinge qaldyrýǵa nemese bosatýǵa negizderi joq 18 jastan 27 jasqa deıingi azamattar áskerge shaqyrylady.

Aıta keteıik, bıyl sarbazdarǵa arnalǵan artyqshylyqtar zań júzinde bekitildi. Olarǵa qyzmet etý kezinde jáne áskerden bosatylǵannan keıin eki aı ýaqytqa nesıelik demalys beriledi. Búgingi tańda 6 myńnan astam áskerı qyzmetshiniń 1 mlrd 828 mln teńge kólemindegi tólemderi keıinge qaldyrylǵan. Budan bólek, otan aldyndaǵy boryshyn ótegen azamattarǵa stýdenttik jataqhanadan oryn berý jeńildikteri qarastyrylǵan. Búgingi tańda áskerde qyzmet etken myń jarymnan astam adam jas oqý oryndaryna tegin, al aqyly túrde 700-den astamy oqýǵa túsken. Osy jyldyń kókteminde zapasqa shyǵarylǵan 400-den astam áskerı qyzmetshi kelisimshart boıynsha áskerı qyzmetke ornalasqan.

Qalalyq jáne aýdandyq shaqyrý komıssııalary jergilikti atqarýshy organdar ákimderiniń orynbasarlarynyń tóraǵalyǵymen jumys isteıtinin esterińizge sala keteıik. Shaqyrý naýqany barynsha ashyq formatta ótkiziledi. Áskerge shaqyrylýshylar, olardyń ata-analary, jýrnalıster, qoǵam ókilderi qajetti aqparatqa júginip, barlyq suraqtarǵa jaýap ala alady. Ár qorǵanys isteri jónindegi departamentinde «jedel jeli» men áleýmettik jelilerdegi resmı akkaýnttar iske qosylǵan, – dedi QR Qorǵanys mınıstrliginiń baspasóz hatshysy Rýslan Jangýlın.