جاڭالىقتار
قازاقستان استروتۋريزم باعىتى بويىنشا الدا
فوتو: اشىق دەرەككوز
قازاقستان ءاستروتۋريزمنىڭ 2025 جىلعى ترەندتىك باعىتتارىنىڭ ءبىرى تانىلدى, دەپ جازدى qandastar.kz
Euronews 2025 جىلدىڭ تۋريستىك ترەندتەرىن جاريالادى. بۇل زەرتتەۋدە قازاقستان استروتۋريزم باعىتى بويىنشا كوپشىلىككە ۇسىنىلدى.
Euronews ءاستروتۋريزمنىڭ قارقىندى دامىپ كەلە جاتقانىن جانە «عارىشتىق ساياحاتتار» نەگىزگى باعىتتاردىڭ بىرىنە اينالعانىن اتاپ ءوتتى. ساياحاتشىلار اسپان قۇبىلىستارىن باقىلاۋعا ارنالعان ءمىنسىز ورىنداردى ىزدەستىرۋدە. زەرتتەۋدە قازاقستاننىڭ كەڭ دالاسى مەن جارىقپەن لاستانۋدان تازا شالعاي ايماقتارى بار ەكەندىگى جانە استروتۋريزم ءۇشىن ەڭ جاقسى باعىتتاردىڭ ءبىرى رەتىندە كورسەتىلگەن. ەلىمىزدىڭ تۇنگى كورىنىستەرى جۇلدىزدى اسپاندى جاقسى كورەتىندەر ءۇشىن ەرەكشە مۇمكىندىكتەر ۇسىنادى.
«ءبىز تابيعي مۇرامىزدىڭ وسى ەرەكشە اسپەكتىسىن دارىپتەيمىز جانە عارىشپەن ەرەكشە بايلانىس ورناتۋعا ۇمتىلاتىن شەتەلدىك تۋريستەردى تارتامىز. بۇگىندە Kazakh Tourism ءاستروتۋريزمدى دامىتۋ ءۇشىن ارنايى ينفراقۇرىلىم قۇرۋ ماسەلەسىن پىسىقتاۋدا. بۇل كاسىبي استرونومدارمەن بىرگە ەكسكۋرسيالاردى جانە مۇنداي قۇبىلىستاردى كورۋگە ارنالعان ورىنداردى ۇيىمداستىرۋدى قامتيدى. تۋريستەر ەكولوگيالىق تۇراقتى جانە اۋتەنتيكالىق باعىتتاردى ءجيى تاڭدايدى. قازاقستاننىڭ ينفراقۇرىلىمدى دامىتۋ جانە تابيعي تۇنگى اسپاندى ساقتاۋعا ۇمتىلىسى ەلىمىزدى استروتۋريزم ءۇشىن بولاشاعى زور باعىتقا اينالدىرادى», – دەپ اتاپ ءوتتى «Kazakh Tourism» ۇك» اق باسقارما توراعاسى قايرات سادۋاقاسوۆ.
