Jańalyqtar
Qazaqstan astrotýrızm baǵyty boıynsha alda
Foto: ashyq derekkóz
Qazaqstan astrotýrızmniń 2025 jylǵy trendtik baǵyttarynyń biri tanyldy, dep jazdy qandastar.kz
Euronews 2025 jyldyń týrıstik trendterin jarııalady. Bul zertteýde Qazaqstan astrotýrızm baǵyty boıynsha kópshilikke usynyldy.
Euronews astrotýrızmniń qarqyndy damyp kele jatqanyn jáne «ǵaryshtyq saıahattar» negizgi baǵyttardyń birine aınalǵanyn atap ótti. Saıahatshylar aspan qubylystaryn baqylaýǵa arnalǵan minsiz oryndardy izdestirýde. Zertteýde Qazaqstannyń keń dalasy men jaryqpen lastanýdan taza shalǵaı aımaqtary bar ekendigi jáne astrotýrızm úshin eń jaqsy baǵyttardyń biri retinde kórsetilgen. Elimizdiń túngi kórinisteri juldyzdy aspandy jaqsy kóretinder úshin erekshe múmkindikter usynady.
«Biz tabıǵı muramyzdyń osy erekshe aspektisin dáripteımiz jáne ǵaryshpen erekshe baılanys ornatýǵa umtylatyn sheteldik týrısterdi tartamyz. Búginde Kazakh Tourism astrotýrızmdi damytý úshin arnaıy ınfraqurylym qurý máselesin pysyqtaýda. Bul kásibı astronomdarmen birge ekskýrsııalardy jáne mundaı qubylystardy kórýge arnalǵan oryndardy uıymdastyrýdy qamtıdy. Týrıster ekologııalyq turaqty jáne aýtentıkalyq baǵyttardy jıi tańdaıdy. Qazaqstannyń ınfraqurylymdy damytý jáne tabıǵı túngi aspandy saqtaýǵa umtylysy elimizdi astrotýrızm úshin bolashaǵy zor baǵytqa aınaldyrady», – dep atap ótti «Kazakh Tourism» UK» AQ basqarma tóraǵasy Qaırat Sádýaqasov.
