قازاقستان اۋعانستاننىڭ اۋقاتتى ازاماتتارىنا كولىك ەكسپورتتاماق

فوتو: اشىق دەرەككوز

بۇل تۋرالى پرەمەر-ءمينيستردىڭ ورىنباسارى سەرىك جۇمانعارين الماتىدا وتكەن «قازاقستان-اۋعانستان» بيزنەس-فورۋمىنىڭ اشىلۋىندا حابارلادى, دەپ جازادى Qandastar.kz.

ونىڭ ايتۋىنشا, اۋعانستان قازاقستاننان كولىك ەسكپورتىن ۇيىمداستىرۋدى سۇراعان. ول قازىر كابۋلدىڭ وركەندەپ كەلە جاتقانىن جانە جاقىندا ەكى ەل تىكەلەي تولەم وپەراتسيالارىن جاساي الاتىنىن اتاپ ءوتتى.

«ءبىز كەزدەسۋ ۇيىمداستىرۋدى, سونداي-اق ەسكى جانە جاڭا كولىكتەردى ساتۋ ءۇشىن اۆتوورتالىقتاردى ۇيىمداستىرۋدى سۇرادىق. مەن بۇل ماسەلە بويىنشا بىرنەشە قوڭىراۋ سوقتىم. قازىر جۇمىستار جۇرگىزىلۋدە. ەڭ الدىمەن, بىزگە اۋعان ەلىنەن سەنىمدى سەرىكتەس كەرەك. سەبەبى مۇنداي بيزنەستى ۇيىمداستىرۋ ءۇشىن جەتكىزۋ قىزمەتى سەنىمدى بولعان دۇرىس. كەلەسى جىلى ءبىز العاشقى كولىكتەردى ساتۋدى باستايمىز, – دەدى س.جۇمانعارين.

اسىرەسە اۋعان كاسىپكەرلەرىنىڭ اراسىندا اۋىل شارۋاشىلىعى ونىمدەرىنە سۇرانىس جوعارى. ەكىجاقتى ساۋدانىڭ قارقىنى الەمدىك ساۋدا نارىعىندا بولىپ جاتقان وزگەرىستەر مەن ۇردىستەرگە قاتىستى وزگەردى. جۇمانعاريننىڭ ايتۋىنشا, 2024 جىلدىڭ سوڭعى 8 ايىندا ەكى ەل اراسىنداعى تاۋار اينالىمى 330,7 ميلليون دوللاردى قۇراسا, ونىڭ ىشىندە ەكسپورت 316,5 ميلليون دوللاردى, اۋعانستاننان يمپورت 14,1 ميلليون دوللاردى قۇرادى.