Qazaqstan aýrýhanalarynda medıına qyzmetkerlerin saqtandyrýǵa aqsha joq: Endi olar zańsyz jumys isteıdi

Foto: pixabay.com

Qazaqstandaǵy árbir iri aýrýhana dárigerleri men medbıkelerin saqtandyrýǵa 20-25 mıllıon teńge jumsaýy qajet. Alaıda mundaı aqsha olarda joq. Bul týraly qandastar.kz  aqparat agenttigi «Vremıa» gazetine silteme jasap habarlaıdy.

Dárigerlerdi saqtandyratyn Medpul.kz platformasy 18 qazanda ashyldy. Al medıınalyq qyzmetkerlerdi saqtandyrý týraly zań 23 qazannan bastap kúshine endi. Qazaqstandaǵy 8 myńǵa jýyq barlyq densaýlyq saqtaý obektileri saqtandyrýǵa mindetti.

Alaıda sarapshylardyń aıtýynsha saqtandyrý somasyn qalta kótermeıdi.

«Máselen Almatydaǵy bir memlekettik kópsalaly klınıkalyq aýrýhananyń medıınalyq personaly 600-800 adamǵa teń. Onyń ishinde 200-ge jýyǵy hırýrg. Ár dárigerdiń saqtandyrýy shamamen 88 000 teńge bolady. Sonda jalpy alǵanda bul 18 mıllıon teńgege jýyq. Sonymen qatar ortasha medıına qyzmetkerleri bar. Aýrýhanaǵa shamamen 20-25 mıllıon teńge shot qoıylady», – dedi Almaty klınıkalary qaýymdastyǵynyń atqarýshy dırektory, zańger, dáriger Rasýl Dúısenov.

Aqmola oblysynyń Densaýlyq saqtaý júıesi qyzmetkerleriniń «SENIM» jergilikti kásipodaǵynyń tóraǵasy Serik Kákenov aýrýhanalardyń bas dárigerleri saqtandyrýǵa qosymsha aqsha bólýge úmittenetinin aıtty.

«Qazir medıınalyq saqtandyrý qory klınıkalarǵa shilde-tamyz aılarynda kórsetilgen qyzmetter úshin aqsha aýdaryp jatyr. Ol eń aldymen jalaqy men shuǵyl tólemderge jumsalady. Bizdiń aımaqtaǵy memlekettik aýrýhanalardyń kópshiliginde kredıtorlyq bereshek bar. Iaǵnı salyqty, jetkizýshiler qyzmeti men kásipodaq jarnalaryn ýaqytynda tóleýge múmkindigi joq. Al qyzmetkerlerdi saqtandyrý úshin birneshe mıllıon teńgeni qaıdan alady?

Jaqynda Densaýlyq saqtaý mınıstrliginiń medıınalyq qyzmet kórsetý tarıfterin kóterý týraly buıryǵy shyqty. Aıtýlarynsha, sol arqyly aýrýhanalar saqtandyrý shyǵynyn jabýy kerek. Biraq tarıf quny shamaly ǵana óskendikten bar shyǵyndy óteýi ekitalaı. Sondyqtan bas dárigerler Densaýlyq saqtaý mınıstrliginen jaýap kútip otyr. Mundaı jaǵdaıda qalaı áreket etý kerek jáne saqtandyrýǵa qosymsha qarajatqa sene ala ma?», – deıdi Kakenov.

Sarapshylar saqtandyrý shartynsyz baqylaýshy organdar klınıkalarǵa aıyppul sala alatynyn jetkizdi. Nemese olarǵa medıınalyq qyzmetti júzege asyrýǵa tyıym sala alady. Tipti ákimshilik jaýapkershilik qarastyrylǵan.