قازاقستان ازاماتتىعىن العان رەسەيلىك سپورتشى ءانۇران جاتتاپ ءجۇر

بۇدان بىلاي قازاقستان اتىنان ونەر كورسەتەتىن رەسەيلىك مانەرلەپ سىرعاناۋشى سوفيا سامودەلكينا قازاقستان ءانۇرانىن جاتتاپ ءجۇر, دەپ Skifnews.kz اقپارات پورتالى ريا نوۆوستي سپورت پورتالىنا سىلتەمە جاساپ حابارلايدى.

17 جاستاعى سامودەلكينا مامىردا رەسەي مانەرلەپ سىرعاناۋ فەدەراتسياسىنان قازاقستان اتىنان ونەر كورسەتۋگە رۇقسات العان ەدى.

«قازاقستان ءانۇرانىنىڭ سوزدەرىن جاتتاۋدى باستادىم. قازاق تىلىندە دۇرىس سويلەۋ قولىمنان كەلەتىنىنە سەنىمدى ەمەسپىن. دەگەنمەن, شامام جەتكەنشە تىرىسامىن», — دەدى سپورتشى.

Tengri Sport سايتىنىڭ جازۋىنشا, سوفيا مانەرلەپ سىرعاناۋدان جازعى قازاقستان چەمپيوناتىنا قاتىسادى. بۇل ونىڭ قازاقستان ازاماتتىعىن العاننان كەيىنگى العاشقى جارىسى بولماق. تۋرنير 15-18 شىلدەدە قاراعاندىدا وتەدى. سامودەلكينا استانانىڭ اتىنان باق سىناماق.