Qazaqstan azamattyǵyn alý úshin 100 suraqtan turatyn test tapsyrý kerek

Foto: ashyq derekkóz

Test qazaq tilinen bólek, Qazaqstan Konstıtýııasy men tarıhy boıynsha suraqtardy qamtıdy, dep habarlaıdy Skifnews.kz aqparat portaly.

Ǵylym jáne joǵary bilim mınıstrligi Qazaqstan azamattyǵyn alý úshin qazaq tili jáne Qazaqstan tarıhy men Konstıtýııasy boıynsha emtıhan tapsyrýdyń erejelerin ázirledi.

Qujat jobasy Ashyq NQA portalynda jarııalandy.

Emtıhan test formatynda ótedi. Test 100 suraqtan turady. Onyń ishinde:

qazaq tili boıynsha – 60, onyń ishinde: tyńdalym bóligi boıynsha – 20, oqylym bóligi boıynsha – 40 suraq;

QR Konstıtýııasynyń negizderi boıynsha – 15 suraq;

Qazaqstan tarıhy boıynsha – 25 suraq.

Qazaqstan azamattyǵyn alý úshin jetkilikti shekti ball 60 ball bolyp belgilendi. Onyń ishinde úmitker:

Qazaq tiliniń tyńdalym bóligi boıynsha – keminde 12 ball, oqylym bóligi boıynsha – keminde 24 ball;

QR Konstıtýııasynyń negizderi boıynsha keminde – 9 ball;

Qazaqstan tarıhy boıynsha – keminde 15 ball jınaýy kerek.

Testileýge beriletin  jalpy ýaqyt 2 saǵat 10 mınýtty quraıdy.

Múmkindigi shekteýli tulǵalarǵa (múgedektigi bar) testileý úshin qosymsha 30 mınýt beriledi. Test tapsyrýdan kelesiler bosatylady:

Kámeletke tolmaǵandar;

Áreketke qabiletsiz adamdar;

Qazaqstan Respýblıkasyna sińirgen aıryqsha eńbegi bar ne Qazaqstan Respýblıkasynyń Prezıdenti belgileıtin tizbe boıynsha kásipterge ıe jáne talaptarǵa saı keletin adamdar;

Etnostyq qazaqtar;

Qazaqstan Respýblıkasy ratıfıkaııalaǵan halyqaralyq sharttar negizinde jeńildetilgen tártippen Qazaqstan Respýblıkasynyń azamattyǵyn alýǵa quqyǵy bar adamdar.

Testileýge qatysý úshin ótinishterdi qabyldaý kelesi merzimderde júzege asyrylady:

10-20 qańtar aralyǵy;

10-20 sáýir aralyǵy;

10-20 shilde aralyǵy;

10-20 qazan aralyǵy.