قازاقستان ەكونوميكاسى تۇراقتى

حالىقارالىق ۆاليۋتا قورى قازاقستان ەكونوميكاسىنىڭ دامۋىنا شولۋ جاسادى. ءارى ءوز ۇسىنىستارىن ايتتى. 

بولجامدارى بويىنشا جىل اياعىندا ەلىمىزدە ينفلياتسيا 8% بولادى. ەكونوميكا تۇراقتى. بىراق اقشا-نەسيە ساياساتى قاتاڭ بولۋى قاجەت دەپ سانايدى. قارجىلىق جاعدايى تۇراقسىز بانكتەر ماسەلەسىن شەشۋ ءۇشىن ماكروپرۋدەنتسيالدىق ساياساتتىڭ الەۋەتىن دامىتۋ كەرەك دەپ جازادى. سالىق-بيۋدجەت ساياساتىن رەفورمالاۋدى ۇسىندى. 

قازاقستان ەكونوميكاسىنىڭ جاقسارۋىنا مۇناي باعاسىنىڭ قىمباتتاۋى مەن پريورەتتى سالالارعا ينۆەستيتسيانىڭ ارتۋى سەبەپ. ال ساۋدا-ساتتىقتىڭ تومەندەۋى, ينفلياتسيالىق قىسىم جانە سۋ تاسقىنى سالدارى كەرى اسەر ەتۋدە دەگەن پىكىردە. 

بۇعان دەيىن توقاەۆتىڭ كەڭەسشىسى ەرۇلان جاماۋباەۆ الەۋمەتتىك جەلىسىندە حالىقارالىق ۆاليۋتا قورىنىڭ باسشىلىعىمەن كەزدەسكەنىن جازدى. 

«ن. بلانشە باستاعان كەزەكتى ميسسيا ءوز جۇمىسىن اياقتادى, ەرتەڭ ولار قورىتىندى ەسەبىن جاريالايتىن بولادى. ارينە ءوز كوزقاراستارىن بىلدىرەدى», – دەدى جاماۋباەۆ.