الەۋمەت جانە قوعام
قازاقستان ەلتاڭباسى وزگەرتىلمەيتىن بولدى
فوتو: catherineasquithgallery.com
مادەنيەت جانە اقپارات مينيسترلىگى ەلتاڭبانى وزگەرتۋ ماسەلەسى جاقىن ارادا قاراستىرىلمايتىنىن مالىمدەدى. بۇل تۋرالى qandastar.kz حابارلايدى.
مينيسترلىكتىڭ مالىمەتىنشە, ماسەلە كۇن تارتىبىنەن شىعارىلدى.
15 ناۋرىزدا ۇلتتىق قۇرىلتايدا مەملەكەت باسشىسى قاسىم-جومارت توقاەۆ «كەڭەس ءداۋىرىنىڭ بەلگىلەرىنە» بايلانىستى قازاقستاننىڭ ەلتاڭباسىن وزگەرتۋدى ۇسىنعان ەدى.
ول قوعامدىق تالقىلاۋلار وتكىزۋ ءۇشىن ارنايى كوميسسيا قۇرۋدى, سودان كەيىن قازاقستاننىڭ جاڭا مەملەكەتتىك ەلتاڭباسىنىڭ ەڭ ۇزدىك ەسكيزىنە اشىق كونكۋرس جاريالاۋدى ۇسىنعان.
ءساۋىر ايىنىڭ باسىندا قارجى ءمينيسترى ءمادي تاكيەۆ سۋ تاسقىنىنا بايلانىستى ەلتاڭبانى وزگەرتۋ تۋرالى شەشىمدى كەيىنگە قالدىرۋ كەرەك دەگەن پىكىر بىلدىرگەن. قارجى مينيسترلىگى قۇزىرلى ورگاننىڭ ساۋالىنا بەرگەن جاۋابىندا بيىل مادەنيەت مينيسترلىگى جاڭا ەلتاڭبانى شىعارۋعا قوسىمشا شىعىن جاريالاماعانىن ايتتى.
