Áleýmet jáne qoǵam
Qazaqstan eltańbasy ózgertilmeıtin boldy
Foto: catherineasquithgallery.com
Mádenıet jáne aqparat mınıstrligi eltańbany ózgertý máselesi jaqyn arada qarastyrylmaıtynyn málimdedi. Bul týraly qandastar.kz habarlaıdy.
Mınıstrliktiń málimetinshe, másele kún tártibinen shyǵaryldy.
15 naýryzda Ulttyq quryltaıda memleket basshysy Qasym-Jomart Toqaev «Keńes dáýiriniń belgilerine» baılanysty Qazaqstannyń eltańbasyn ózgertýdi usynǵan edi.
Ol qoǵamdyq talqylaýlar ótkizý úshin arnaıy komıssııa qurýdy, sodan keıin Qazaqstannyń jańa memlekettik eltańbasynyń eń úzdik eskızine ashyq konkýrs jarııalaýdy usynǵan.
Sáýir aıynyń basynda qarjy mınıstri Mádı Takıev sý tasqynyna baılanysty eltańbany ózgertý týraly sheshimdi keıinge qaldyrý kerek degen pikir bildirgen. Qarjy mınıstrligi quzyrly organnyń saýalyna bergen jaýabynda bıyl Mádenıet mınıstrligi jańa eltańbany shyǵarýǵa qosymsha shyǵyn jarııalamaǵanyn aıtty.
