قازاقستان ەۋروپا كەڭەسى پا كوكتەمگى سەسسياسىنا قاتىستى

پارلامەنت سەناتىنىڭ دەپۋتاتتارى ەۋروپا كەڭەسى پارلامەنتتىك اسسامبلەياسىنىڭ كوكتەمگى سەسسياسىنا قاتىستى. ساپار بارىسىندا ولار اسسامبلەيا توراعاسى تەودور رۋسسوپۋلوسپەن كەزدەسىپ, ارىپتەستىك قارىم-قاتىناستاردى دامىتۋ, سونداي-اق ادام قۇقىقتارىن قورعاۋ, دەموكراتيا مەن زاڭ ۇستەمدىگى ماسەلەلەرىن تالقىلادى. جۇمىس ساپارىنىڭ قورىتىندىسى بويىنشا ەكى جاقتى قارىم-قاتىناستىڭ 20 جىلدىعىنا وراي ارنايى ءىس-شارا ۇيىمداستىرىلدى. جانات ەرنست, ءتىلشى: — قازاقستان مەن ەۋروپا كەڭەسىنىڭ ينستيتۋتتارى, ونىڭ ىشىندە پارلامەنتتىك اسسامبلەيا 20 جىلدان بەرى تىعىز قارىم قاتىناس ورناتقان.

مەرەيتويعا ارنالعان ارنايى ءىس-شارادا تاراپتار ادام قۇقىعىن ساقتاۋ مەن زاڭ ۇستەمدىگىنىڭ ورىندالۋ پرينتسيپتەرى بويىنشا ءوزارا پىكىر الماستى. ەكپا-داعى ارىپتەستەرىمەن كەزدەسۋدە سويلەگەن سوزىندە قازاقستان پارلامەنتى سەناتىنىڭ دەپۋتاتتارى تاراپتاردىڭ بەرىك جانە سىندارلى قارىم-قاتىناستى دامىتقانىن اتاپ ءوتتى. سونداي اق ەلىمىزدە جۇرگىزىلىپ جاتقان رەفورمالاردىڭ بارىسى تۋرالى ايتىپ بەردى. جاننا اسانوۆا, قر پارلامەنتى سەناتىنىڭ دەپۋتاتى: — ەۋروپا كەنەسىنىڭ پارلامەنتتىك اسسامبلەياسى مەن قازاقستان رەسپۋبليكاسىنىڭ پارلامەنتىنىڭ اراسىنداعى قويىلعان كەلىسىم شارتكا بيىل 20 جىل تولدى. ول كەلىسىم شارت دەموكراتيانى, ادام قۇقىعىن جانە زاڭ ۇستەمدىگىڭ كوزدەيدى, سونىڭ اياسىندا كۇردەلى كوپ جۇمىستار جاسالدى ەلىمىزدە.

وعان قازىر بولەك نازار اۋىدارىلدى وسى ءىس-شارادا. وعان بولسا ايەل مەن بالا قۇقىعى جايلى زورىق زومبىلىققا قارسى تاقىرىپ بويىنشا ارنايى قازىر ستامبۋلدىق كونۆەنتسيا بار عوي. بۇگىنگى تاندا ءبىزدىڭ زاڭدىلىعىمىز ستامبۋلدىق كونۆەنتسياسىنا 70 پايىزىنا سايكەس كەلگەندىگى اڭىقتالدى. نەگىزى ەلىمىزدە بولعان زورلىق زومبىلىققا قارسى قابىلدانعان زاڭدى ەۋروپالىق ەلدەردىڭ دەپۋتاتتارىنا كورسەتتىك. سونىمەن وسى ىستەلىنگەن ءىس-شارالار ەرتەنگى پارلامەنتتىك اسسامبلەيامەن قارىم قاتىناسىمىزدى نىعايتادى دەگەن ۇمىتتەمىز. تيبەريو گراتسياني, «Vision&Global Trends» تالداۋ ورتالىعىنىڭ جەتەكشىسى: — قازاقستان جاڭا رەفورمالاردى ەنگىزۋدە كەرەمەت جەتىستىككە جەتتى. ولار بۇۇ-نىڭ تۇراقتى دامۋ ماقساتتارىنا سايكەس كەلەدى. دەموكراتيا مەن ادام قۇقىقتارىن ساقتاۋ سالاسىندا كوپ جۇمىستار اتقارىلدى. الەمدەگى جاڭا كوپ پوليارلى جۇيەنى دامىتۋ اياسىندا قازاقستان ايماقتاعى كوشباسشى رەتىندە بەلسەندى ءرول اتقاراتىن بولادى.

ەگەر ورتاق لوگيستيكا مەن ينفراقۇرىلىمدى دامىتساق, قازاقستان مەن ەۋرووداق اراسىنداعى ارىپتەستىك تۇراقتى بولادى. ماڭىزدى ينفراقۇرىلىمدىق جوبانىڭ مىسالى – ورتا كولىك ءدالىزىنىڭ الەۋەتى.  ەۋروپا كەنەسىنىڭ دەپۋتاتتارى قازاقستاندىق ارىپتەستەرمەن بايلانىستاردى جانداندىرۋدى جانە پارلامەنتارلىق ديپلوماتيانى نىعايتۋدى كوزدەيدى. ولار قازاقستاننىڭ دەموكراتيالىق باعىتى – كونستيتۋتسيالىق وزگەرىستەردى, ءولىم جازاسىن الىپ تاستاۋدى, پارلامەنتتەگى ايەلدەر سانىن ارتتىرۋدى جانە ادام قۇقىقتارى جونىندەگى ۋاكىلدىڭ ءرولىن كۇشەيتۋدى قولدايتىندىقتارىن ءبىلدىردى.

ەۋروپالىق پارلامەنتشىلەر «قازاقستاننىڭ ادام قۇقىقتارى, دەموكراتيا جانە ەۋروپا كەڭەسىمەن ىنتىماقتاستىق سالاسىنداعى جەتىستىكتەرى» اتتى دەكلاراتسياعا قول قويدى. جوۆس نەمەنت, ەۋروپا كەڭەسى پارلامەنتتىك اسسامبلەياسىنىڭ دەپۋتاتى: — ەۋروپا كەڭەسى پارلامەنتتىك اسسامبلەياسىنىڭ 22 مۇشەسى وسى دەكلاراتسياعا قول قويىپ, قازاقستانمەن تىعىز ىنتىماقتاستىق ورناتۋعا كۇش سالۋعا ۋادە بەردى. بۇل ءبىزدىڭ قارىم-قاتىناستارىمىزدى قايتا باستاۋ بولىپ ەسەپتەلەدى. ويتكەنى بىزدە بۇگىنگى تاندا جاڭا ساپاعا اينالىپ وتىرعان جيىرما جىلدىق ىنتىماقتاستىق تاريحى بار.

مەن ەكى تاراپتى دا قۇتتىقتايمىن جانە قارىم-قاتىناستارىمىز ودان ءارى تەرەڭدەي بەرسىن دەپ تىلەيمىن.  جانات ەرنست, ءتىلشى: — تاراپتار ەۋروپا كەڭەسىنىڭ 2024-2027 جىلدارعا ارنالعان قازاقستانمەن جاڭا تاتۋ كورشىلىك ىنتىماقتاستىق باعدارلاماسى اياسىنداعى ارىپتەستىكتىڭ ودان ارعى قادامدارىن بەلگىلەدى.