Qazaqstan franýz atom ındýstrııasyn qoldaýy múmkin

Foto: Aqorda

“Le Figaro” saıtynda «Qazaqstan – Franııanyń strategııalyq jáne senimdi seriktesi» taqyrybyndaǵy Prezıdent Qasym-Jomart Toqaevtyń maqalasy jarııalandy, dep jazady qandastar.kz

Parıjde memlekettik saparmen júrgen el prezıdenti alǵashqy atom elektr stanııasyn salý týraly sheshim qabyldanǵannan keıin Qazaqstan franýz atom ındýstrııasyn qoldaýy múmkin dep málimdedi.

Maqalada mundaı kúsh-jiger Eýropa men Franııanyń energetıkalyq qaýipsizdigin qamtamasyz etý úshin mańyzdy ekeni, bul ekijaqty qarym-qatynastyń mańyzdy aspektisi ekeni alǵa tartylady. Tarqata aıtqanda, tabıǵı ýran óndirisi boıynsha álemdik kóshbasshy bolyp tabylatyn Qazaqstan franýz atom ónerkásibiniń senimdi seriktesi mártebesin saqtap qalýǵa úmitti.

“Prezıdent E.Makronnyń ótken jyldyń qarasha aıynda Astanaǵa sapary barysynda bizdiń elderimiz sırek jer metaldary, jańartylatyn energııa kózderi jáne azamattyq atom energetıkasy salasyndaǵy ózara is-qımyldy damytýǵa ózara qyzyǵýshylyq tanytty, bul bizdiń strategııalyq áriptestigimizdi keńeıtý úshin jańa perspektıvalar ashady.

Jaqynda táýelsiz Qazaqstandaǵy alǵashqy atom elektr stanııasynyń qurylysy týraly jalpyulttyq referendýmnyń oń nátıjeleri bolashaqta ózara tıimdi yntymaqtastyq úshin berik negiz qalaıdy. Árıne, bul jahandyq energetıkalyq qaýipsizdikti nyǵaıtýǵa yqpal etedi.

Biz halyqaralyq arenada sózsiz bedelge ıe jáne úlken dıplomatııalyq tájirıbesi bar Franııamen jumys isteýge senemiz. Biz birge turaqty jáne gúldengen álem qurýǵa, qaýipsiz qatar ómir súrýdi, ózara tıimdi yntymaqtastyqty jáne jalpyǵa ortaq progresti qamtamasyz etýge óz úlesimizdi qosa alamyz”, – dedi Prezıdent.