جاڭالىقتار
قازاقستان گولان جوتالارىنداعى بىتىمگەرلىك كونتينگەنتىنىڭ جوسپارلى روتاتسياسىن جۇرگىزدى
فوتو: اشىق دەرەككوز
بۇۇ ميسسياسىنىڭ جاۋاپكەرشىلىكايماعىندا ورنالاسقان فاۋاربازاسىندا قورعانىس ءمينيسترىنىڭورىنباسارى گەنەرال—مايورشايح—حاسان جازىقباەۆقازاقستاندىق بىتىمگەرشىلىككونتينگەنتتەردى روتاتسيالاۋ ءراسىمىن ءوتكىزدى, دەپ جازدى qandastar.kz
«بۇۇ ءبولىنۋدى باقىلاۋ جونىندەگى كۇشتەرى» ميسسياسى قولباسشىسىنىڭ بىتىمگەرشىلىك رەزەرۆىنىڭ ءبىرىنشى جانە ەكىنشى قۇرامدارىنىڭ كومانديرلەرى پودپولكوۆنيكتەر جىگەر ايپوۆ پەن جانىبەك نۇرلانوۆ قورعانىس مينيسترلىگى قولباسشىلىعىنىڭ وكىلىنە اسكەري كونتينگەنتتەردىڭ اۋىسۋى تۋرالى باياندادى. ميسسيانى اياقتاعان قارۋلى كۇشتەر اسكەريلەرىنىڭ العاشقى قۇرامى ەلگە ورالعالى جاتسا, ولاردىڭ ورنىن ەكىنشى قۇرامداعى اسكەري قىزمەتشىلەر باستى.
قازىرگى تاڭدا كونتينگەنتتىڭ جەكە قۇرامى ورنالاسىپ, قىزمەتكە كىرىسۋگە دايىندىق جۇرگىزۋدە. روتا شتابى قىزمەتتى قابىلداۋ جانە «بۇۇ-نىڭ بولىنگەن اۋماقتى باقىلاۋ كۇشتەرى» ميسسياسى اياسىنداعى مىندەتتەردى ناقتىلاۋعا باعىتتالعان جۇمىستارمەن اينالىسۋدا.
كونتينگەنت كومانديرى پودپولكوۆنيك جانىبەك نۇرلانوۆتىڭ ايتۋىنشا, الدىمەن جەكە قۇراممەن تەوريالىق ساباقتار وتەدى, كەيىن پراكتيكالىق دايىندىق باستالادى.
«ميسسياعا دايىندىق كەزىندە الىنعان كاسىبي داعدىلار ءبىزدىڭ اسكەري قىزمەتشىلەرگە قويىلعان مىندەتتەردى ساپالى ورىنداۋعا مۇمكىندىك بەرەدى», – دەدى ول.
ەسكە سالا كەتەيىك, قازاقستاننىڭ العاشقى ۇلتتىق بىتىمگەرلىك كونتينگەنتى 2024 جىلعى ناۋرىزدا بۇۇ ميسسياسى اياسىندا گولان جوتالارىنا جىبەرىلگەن بولاتىن. اسكەري قىزمەتشىلەر ءموبيلدى پاترۋلدەۋ, باقىلاۋ بەكەتتەرىن كۇشەيتۋ, ەۆاكۋاتسيا جانە ميناسىزداندىرۋ جۇمىستارىن ورىندادى. ولار ميسسيا قولباسشىلىعى مەن بۇۇ باسشىلىعىنان جوعارى باعا الدى.
وسىلايشا, قازاقستان بۇۇ-نىڭ بىتىمگەرلىك قىزمەتىنە قاتىسا وتىرىپ, حالىقارالىق بەيبىتشىلىك پەن تۇراقتىلىقتى قامتاماسىز ەتۋ ىسىنە ماڭىزدى ۇلەس قوسىپ كەلەدى.
