Jańalyqtar
Qazaqstan Golan jotalaryndaǵy bitimgerlik kontıngentiniń josparly rotaııasyn júrgizdi
Foto: ashyq derekkóz
BUU mıssııasynyń jaýapkershilikaımaǵynda ornalasqan Faýarbazasynda Qorǵanys mınıstrinińorynbasary general—maıorShaıh—Hasan Jazyqbaevqazaqstandyq bitimgershilikkontıngentterdi rotaııalaý rásimin ótkizdi, dep jazdy qandastar.kz
«BUU bólinýdi baqylaý jónindegi kúshteri» mıssııasy qolbasshysynyń bitimgershilik rezerviniń birinshi jáne ekinshi quramdarynyń komandırleri podpolkovnıkter Jiger Aıpov pen Jánibek Nurlanov Qorǵanys mınıstrligi qolbasshylyǵynyń ókiline áskerı kontıngentterdiń aýysýy týraly baıandady. Mıssııany aıaqtaǵan Qarýly kúshter áskerıleriniń alǵashqy quramy elge oralǵaly jatsa, olardyń ornyn ekinshi quramdaǵy áskerı qyzmetshiler basty.
Qazirgi tańda kontıngenttiń jeke quramy ornalasyp, qyzmetke kirisýge daıyndyq júrgizýde. Rota shtaby qyzmetti qabyldaý jáne «BUU-nyń bólingen aýmaqty baqylaý kúshteri» mıssııasy aıasyndaǵy mindetterdi naqtylaýǵa baǵyttalǵan jumystarmen aınalysýda.
Kontıngent komandıri podpolkovnık Jánibek Nurlanovtyń aıtýynsha, aldymen jeke qurammen teorııalyq sabaqtar ótedi, keıin praktıkalyq daıyndyq bastalady.
«Mıssııaǵa daıyndyq kezinde alynǵan kásibı daǵdylar bizdiń áskerı qyzmetshilerge qoıylǵan mindetterdi sapaly oryndaýǵa múmkindik beredi», – dedi ol.
Eske sala keteıik, Qazaqstannyń alǵashqy ulttyq bitimgerlik kontıngenti 2024 jylǵy naýryzda BUU mıssııasy aıasynda Golan jotalaryna jiberilgen bolatyn. Áskerı qyzmetshiler mobıldi patrýldeý, baqylaý beketterin kúsheıtý, evakýaııa jáne mınasyzdandyrý jumystaryn oryndady. Olar mıssııa qolbasshylyǵy men BUU basshylyǵynan joǵary baǵa aldy.
Osylaısha, Qazaqstan BUU-nyń bitimgerlik qyzmetine qatysa otyryp, halyqaralyq beıbitshilik pen turaqtylyqty qamtamasyz etý isine mańyzdy úles qosyp keledi.
