Jańalyqtar
«Qazaqstan halqy Assambleıasyna 30 jyl» respýblıkalyq forýmy ótti
Foto: ashyq derekkóz
2025 jylǵy 1 naýryzda Beıbitshilik jáne kelisim saraıynda Qazaqstan halqy Assambleıasynyń mereıtoılyq jylynyń ashylýy jáne «Qazaqstan halqy Assambleıasyna 30 jyl» respýblıkalyq forýmy ótti, – dep habarlaıdy qandastar.kz
Saltanatty is-sharaǵa Qazaqstan halqy Assambleıasy tóraǵasynyń orynbasary – QHA hatshylyǵynyń meńgerýshisi Marat Ázilhanov, Parlament depýtattary, Mádenıet jáne aqparat vıe-mınıstri Evgenıı Kochetov, memlekettik organdardyń, etnomádenı birlestikter men QHA qoǵamdyq qurylymdarynyń basshylary men ókilderi, Assambleıa ardagerleri, belgili qoǵam qaıratkerleri men sarapshylar qatysty.
Forým aıasynda elimizdiń barlyq Dostyq úılerinde Memleket basshysy Qasym-Jomart Toqaevtyń Qazaqstan halqy Assambleıasynyń 30 jyldyǵymen quttyqtaýy oqyldy. Alǵys aıtý kúnine oraı «Qazaqstan halqy Assambleıasyna 30 jyl» eskertkish taqtasynyń ashylýy ótti.
Forým barysynda spıkerler, Assambleıanyń belgili qaıratkerleri QHA-nyń qurylýy jáne ony qurý ıdeıasy týraly aıta kele, Assambleıanyń 30 jyldaǵy mańyzdy jetistikterin, Qazaqstandaǵy birlik pen kelisimdi qoldaýdaǵy tarıhı rólin, sondaı-aq Alǵys aıtý kúniniń mańyzdylyǵy men mazmunyn talqylady.
Saltanatty is-shara sońynda QHA-nyń jyl saıynǵy «Qaıyrymdylyq kerýeni» akııasynyń bastalýy jarııalandy. Assambleıa ardagerlerine qurmet kórsetilip, estelik syılyqtar tabys etildi, sondaı-aq «Qazaq eline myń alǵys» monýmentine gúl shoqtaryn qoıý rásimi ótti.
Elimizdiń barlyq óńirlerinde kúni boıy QHA 30 jyldyǵyna jáne Alǵys aıtý kúnine arnalǵan chellendjder, festıval-kórmeler, konertter jáne basqa da is-sharalar ótti.
