Qazaqstan halqynyń sany týraly málimet jańardy

Foto: Zakon.kz

Ulttyq statıstıka bıýrosy 1 shildedegi jaǵdaı boıynsha Qazaqstanda qansha adam turǵanyn habarlady, — dep habarlaıdy qandastar.kz

Ulttyq statıstıka bıýrosynyń málimetinshe, Qazaqstan halqynyń sany 20 387 811 adamǵa jetken. Bir aı ishinde halyq sany 17,1 myńnan astam adamǵa artqan. 1 maýsymda elde 20 370 672 adam turǵan.

Skifnews.kz halyq sany eń kóp óńirlerdi atady:

Almaty – 2 319 893 adam; Túrkistan oblysy – 2 150 228 adam; Almaty oblysy – 1 578 089 adam; Astana – 1 576 337 adam.

Halqy mıllıonnan asatyn óńirler:

Shymkent – 1 277 743 adam; Jambyl oblysy – 1 220 041 adam; Qaraǵandy oblysy – 1 132 697 adam.

Halyq eń az qonystanǵan óńirler:

Ulytaý oblysy – 220 266 adam; Soltústik Qazaqstan oblysy – 518 049 adam; Abaı oblysy – 599 449 adam.

Sondaı-aq, Qazaqstan turǵyndarynyń kópshiligi qalada turady – 12 899 438 adam. Aýyldyq jerlerde 7 488 373 adam ómir súredi.